Yüz minlərlə ton ağırlığında soğan anbarlarda çürüyür
Ağdam, Ağcabədi, Beyləqan, Bərdə və Tərtər rayonlarında fermerlər becərdikləri məhsulu bazara çıxara bilmədiyindən kifayət qədər böyük zərərlə üzləşiblər.
Ötən mövsüm soğan becərən sahibkarlar üçün hasilat baxımından uğurlu olsa da, bazara çıxışın müşküllüyü onları ciddi şəkildə ziyana salıb.
Hazırda anbarlarda yüz min tonlarla soğan yığılıb qalıb.
Ağdamdan olan fermer Murad Rüstəmovun sözlərinə görə, ötən mövsüm 70 hektar ərazidə soğan becərib və zəhməti bəhrə verib. Lakin topladığı məhsulu sata bilməyib.
Buna görə də becərdiyi soğan Ergi düzü adlanan ərazidəki anbarda zay olub, 600 ton məhsul isə Bərdədə soyuducu anbarda qalıb.
Fermerin fikrincə, ölkədə soğan istehsalının çoxluğu daxili bazarda bu məhsula tələbatı tam ödəyir. Hazırda 32 kiloqram çəkisi olan 1 kisə soğan bazarda 5 manata təklif edilir.
Bu qiymət isə onun icarəyə götürdüyü soyuducu anbarın elektrik və daşıma xərclərini ödəmir.
Fermer deyir ki, soğanın 1 kiloqramının maya dəyəri 25 qəpikdir. Ona, orta hesabla 320 min manatdan çox ziyan dəyib. 2023-cü ilin fevralında soğan tənzimlənən məhsullar siyahısına salındıqdan sonra sahibkarlar qarşısında müəyyən çətinliklər yaranıb.
İndi sahibkarları düşündürən əsas məsələ daxili tələbatın ödənilməsindən sonra artıq qalan məhsulu xarici ölkələrə apara bilməkdir.
İndiyədək bir neçə ölkədə sərgidə iştirak edən sahibkar Birləşmiş Ərəb Əmirliyi, Böyük Britaniya və Gürcüstandan soğan sifarişi alıb. Amma məhsulu ölkədən çıxara bilmədiyi üçün bu təkliflər cavabsız qoymalı olub.
Sahibkarlıqla məşğul olmaq üçün dövlətdən hər cür dəstək aldıqlarının bildirən sahibkar ümid edir ki, bu dəstək sayəsində əldə etdikləri yüksək məhsuldarlığın bəhrəsini görməkdən ötrü onların xaricə çıxışına da dəstək yaradılacaq.
Негізгі бет 100 minlərlə ton ağırlığında soğan anbarlarda çürüyür
Пікірлер: 14