БІЗДІҢ KZitem АРНАҒА ТІРКЕЛІҢІЗ: / @informburo31kanal
---------------------------------------------
Теңдессіз жобамызға көз салыңыз: • Сөздің шыны керек: [жу...
Бишімбаев ісі - • Бишімбаев ісі
Су тасқыны бойынша барлық ақпарат - • Су тасқыны // Төтенше ...
Жұмбақ өлімдер - • Жұмбақ өлім
Бүгінгі шығарылымда:
Жетісу облысында белгісіз жағдайда қайтыс болған 16 жастағы қыздың туыстары тергеудің созбалаңға салынып кеткеніне наразы. Олар Зарина Берікованың уланып көз жұмғанына сенбейді. Сондықтан қайтадан сараптама тағайындап, куәгерлерден сұрақ-жауап алынуын талап етеді. Жатақханада көз жұмған студенттің жақындарымен өңірдегі әріптесім тілдесіп келді.
Жазира Тоғасбаева 7 ай бұрын жалғыз қызынан айырылған. Аялап өсірген Заринасы 9-сыныпты бітіргеннен кейін Талдықорғандағы инновациялық колледждің филология факультетіне оқуға түсіп, жатақханаға орналасады. Алайда арада 6 ай өткенде студент қызының мәйітін алады.
ЖАЗИРА ТОҒАСБАЕВА, марқұмның анасы:
- Міне 7 ай болды маған әлі жұмбақ неден қайтыс болды? Бір ақиқаты болу керек қой, осы уақытқа дейін бір шеті шығу керек еді. Іс тергеліп жатыр дейді. Неше айдың жүзі болды есіктерін қағып барамыз, ешқандай әлі ақиқат жоқ.
Қайғылы оқиға болатын күні Жазира қызын сабақтан сұрап алып, түске дейін бірге уақыт өткізіпті. Айтуынша, оның көңіл-күйі жақсы болған, демалыста ауылға барамын деп айтқан екен. Кешке қарай анасына «бәрі жақсы» деп тағы да хабарласыпты. Содан жарты сағат өтпей оқу орнындағы мұғалімдер жедел жәрдем шақырғандарын айтқан.
АЙЫМ ЖИЫНБЕК, марқұмның туысы:
- Видео записьті ашып көргенбіз. Яғни, қалай болды камерадан байқадық. Камерада қызымыз Зарина ойнап-күліп жүр. 19:27 шамасында соңғы сәті 20:03-те фойеге комнатасынан шығады, сол жерде 2 секунд қана коменданттың есік жағына тоқтайды, одан әрі қарай өтіп кетіп, қайтып кіреді. 20:04-те комендант комнатасына. Сол кіргеннен сол жерден біз қызымыздың денесін алдық.
Марқұмның туыстарының айтуынша, бұл бейнежазба істе тіркеліп, кейін жоқ болып кеткен. Олар осымен төртінші тергеушінің қолына өткен істің күмәнді тұстары көп дейді. Полицейлер бойжеткеннің телефонының құпия сөзін аша алмадық деп айтқанмен, жуырда ғана қыздың жақындарына жазған смс хаттары өшіріліпті.
АЙЫМ ЖИЫНБЕК, марқұмның туысы:
- Семейный чат бар еді содан 29-шы июнь күні шамамен түскі уақытта Зарина покинула группу деп бізге смс келеді. Телефон 28 ақпаннан бері УВД -да жатқаннан кейін оны кім қолдануы мүмкін. Қалай ол ватсаптан шығып кетеді. Бұл жерге 25 рет келуіміз ешқандай өзгеріс жоқ. Іс қалай ашылды сол қалпында әлі тұрмыз. Ешқандай іс жүріп жатқан жоқ.
Медициналық сараптама қорытындысы бойынша қыз уланған. Алайда, қандай дәрінің қаншалықты мөлшерде әсер еткені белгісіз. Марқұмның жақындары бұл қорытындымен келіспейді. Олар мәйітті жуындырғанда оң көзінің маңынан соққы ізі мен астыңғы ернінің ішінен жырылып кеткенін байқадық деп отыр. Айдың күннің аманында Заринадан айырылып қалған әулет әлі де тергеудің әділ өтуін талап етеді. Ал, полиция департаментіне студент қыз өліміне қатысты сауал жолдадық. Тәртіп сақшыларының жауабын міндетті түрде беретін боламыз.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/c...
TikTok - www.tiktok.com...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық
Негізгі бет 16 жастағы студент қыздың жұмбақ өлімі: тергеу неге созбалаңға салынды?
Пікірлер: 58