الي الإخوة في الصيد
يرجي الإنتباه أن الجو بيتغير بسرعة جدا في السنين الأخيرة مهما تابعت النشرات والتغيير بيحصل في اقل من ٢٤ ساعة
الرحلة دي في نص نوفمبر تقريبا والرطوبة عاليه جدا والمطر دافئ
حالة البحر كانت مندل ( يعني الموج من ٣ أو ٤ اتجاهات زي الغسالة الاوتوماتيكي) لمدة يومين ونص متواصل
تراخيص الإبحار في الشلاتين يومين فقط (مفيش ٣ ايام او ٤)
رويسه المراكب ليرجع علي الساعة ٤ العصر (اخر ميعاد للرجوع) علشان يحاسب علي يومين ونص
رياح عارض السعودية كانت محملة جامد ولما المطر بيشتغل في الشلاتين بتكون حاجه هوبا خالص رعد وبرق ومطر وليلة كبيرة سعاتك
اقل معدات واهم معدات متعددة الاستخدامات هتكون افضل من المعدات الكتير
كل واحد عارف معدته وصحته وادويته
ونرجو من الله يحفظنا جميعا
Негізгі бет Спорт ١٦ نوفمبر ٢٠٢٣
Пікірлер: 8