Осыдан үш жыл бұрын Қылмыстық кодекстің бір емес 13 түрлі бабымен айыпталып, 16 жылға сотталған «Ағайынды төртеу» тобының жетекшісі Еркін Ізбасар түрмеден босап шықты. Қылмыс әлеміндегі топтың серкесі Ақтөбеге 9 қараша күні ұшақпен жеткізілген. Туыстары оның түрмеден ақталып емес денсаулығының нашарлап кетуіне байланысты босатылғанын айтады.
"Адам ұрлау", "ақша бопсалау", "қару сақтау" сияқты ауыр айыптар тағылған Еркін Ізбасарды 2018 жылы Ақтөбе облыстық қылмыстық істер жөніндегі мамандандырылған ауданаралық соты 12 жылға соттады. Кейін Прокуратураның шағымынан соң апелляциялық алқа Ізбасардың жазасын 16 жылға ұзартқан. Арнайы медициналық комиссия мен түзету мекемесі басшысының пікірін ескерген Өскемен соты бірінші топтағы мүгедек Еркін Ізбасарды денсаулығы жақсарғанға дейін бостандыққа жіберген. Бірақ ол үнемі құзырлы органдар бақылауында болмақ.
ЛӘЙЛӘ АҚАЛАЕВА, Өскемен қаласы №2 сотының судьясы:
- Оның науқасы ІІМ бұйрығымен бекітілген. Жазаны өтеуден босатуға негізделген болып табылатын аурулар тізбесінде көрсетілген. Сонымен қатар арнайы дәрігерлік комиссия қорытындысын сот ескере отырып, І деген азаматты ол сауыққанға дейін босатты. Сотталған адамның мінез-құлқын бақылау жазаны орындайтын органға жүктелді. Қазіргі уақытта осы қаулы заңды күшіне енді.
Бізді әлеуметтік желіде оқыңыздар:
KZitem - / @informburo31kanal
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
#ЕркінІзбасар #АғайындыТөртеу #қылмыс_әлемі #криминал #түрме #сот #тергеу
Негізгі бет 16 жылға сотталған «Ағайынды төртеу» тобының жетекшісі Еркін Ізбасар түрмеден босап шықты
Пікірлер: 165