Алматы қаласындағы тіс емханалары «Балаларға күлкі сыйла» акциясын қолға алды. Халықаралық балаларды қорғау күніне орай ұйымдастырылып жатқан шара аясында 18 жасқа дейінгі ұл-қыздар стоматологиялық қызметтерді тегін ала алады.
Кәмелеттік жасқа толмаған балалар тісті жансыздандыру, химиялық пломба салу, терапевт қабылдауы, пульпит пен периодонтитті емдеу, флюороз, гипоплазия кезінде тістің анатомиялық пішінін толық қалпына келтіру, тіс жұлу қызметтерін тегін пайдалана алады. Осы қызметтер міндетті әлеуметтік медициналық сақтандыру есебінен ақысыз жүргізіледі. Ал жақ пен тіс құрылымындағы ақауларды арнайы құрылғылардың көмегімен түзетуге келетіндер отродонт маманнан тегін кеңес алып, емдеу жұмыстарына 20 пайызға дейін жеңілдік алады. Мамандар жазғы демалыс кезінде ата-аналар балаларының тістерін уақытылы емдеу жұмыстарына баса назар аударса екен дейді. Толық мәліметті 331-01-41 нөмірі арқылы білуге болады.
Бізді әлеуметтік желіде оқыңыздар:
KZitem - / @informburo31kanal
Facebook - / informburo31
Instagram - / informburo31
Vkontakte - vk.com/informb...
TikTok - www.tiktok.com/@informburo31
WhatsApp Информбюро +7 777 331 31 31
#емхана #балаларкүні
Негізгі бет 18 жасқа дейінгі балалар Алматыдағы емханаларда тіс емдеу қызметтерін тегін ала алады
Пікірлер: 4