Алматыдағы жаппай тәртіпсіздік кезінде қаза тапқан 19 жастағы курсант Мейірхан Бітім туған жері Ақтауда анасының қасына жерленді. Ол өзі оқыған Ұлттық қауіпсіздік комитеті Шекара академиясының ғимаратын күзетіп тұрған кезде оққа ұшқан. Оқуын бітірген соң ел шебін қорғауды арман еткен батыр ұлмен қоштасуға келген халықтың қарасы көп болды.
«Ел шекарасының әр метрін қорғауды» арман етіп Алматыға аттанған Мейірханды құшағына ала алмай, табытын қарсы алып солқылдаған жақындарының зары жиналғандардың жүрегін қарс айырды. Жаңа жылда туыстарына жете алмаған курсант, алдағы демалыста үйіне келмек болған. Бірақ қаскөйлердің шабуылы кезінде оқ тиіп, көз жұмды. Қаралы үйдің қайғысына ортақтасып, ерлікпен қаза тапқан ұлмен қоштасуға келгендер көп. Марқұмды өз үйінен соңғы сапарға шығарып салған жұрт «Достық» үйі жанында өткен қаралы митингке қатысты. Ұлының қазасы ауыр тисе де, қасқөйлерге тойтарыс берген ерлігін әкесі жастарға үлгі қылды.
Негізгі бет 19 жастағы курсант Мейірхан Бітім туған жері Ақтауда анасының қасына жерленді
Пікірлер: 619