Елімізде 2023 жылдан бастап көпбалалы аналарға қатысты жаңа мәртебе енгізіледі. Яғни, еңбек және халықты әлеуметтік қорғау министрлігінің дерегінше, алты не одан да көп баланы дүниеге әкелген әйелдерге «Марапатталған аналар» статусы берілмек. Сәйкесінше, мұндай мәртебесі бар келіншектерде мемлекеттік жәрдемақы алу құқығы болады.
Қазір алты бала босанып, тәрбиелеген аналар «Күміс алқа» ал, жеті бала дүниеге әкелген әйелдер «Алтын алқа» иеленеді. Бірақ берілетін жәрдемақы көлемінде айырмашылық жоқ. Яғни, бәріне бірдей үлестіріледі. Енді бұл тәртіп өзгертілетін болады. Жауапты ведомство әлеуметтік әділеттілік орнату үшін мемлекеттік жәрдемақы мөлшерін саралауды қолға алды. Сонымен, «Алтын алқа» не бұрын «Батыр ана» атағын алған келіншектердің жәрдемақысы 1 айлық есептік көрсеткішке көбейтілген. Бұл жаңашылдық I және II дәрежелі «Ана даңқы» ордені иегерлеріне де қатысты болып отыр. Демек, төлем 19 603 теңгеден 22 666 теңгеге өсті. Әрі «Алтын алқа» және «Күміс алқа» иелеріне «Марапатталған аналар» мәртебесі беріледі.
Бізді әлеуметтік желіде оқыңыздар:
KZitem - / @informburo31kanal
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
Негізгі бет 2023 жылдан бастап көпбалалы аналарға жаңа мәртебе енгізіледі
Пікірлер: 302