၂၀၂၄ မှာ မြို့ပြ၊ ကျေးလက်တွေကို သိမ်းပိုက်မယ် ( ရုပ်/သံ)
ဧရာဝတီ၊ ဇူလိုင် ၂၄၊ ၂၀၂၄
အမျိုးသားညီညွတ်ရေးအစိုးရ (NUG) ရဲ့ မြေပြင်စစ်ဆင်ရေးတွေဟာ ကျေးလက်တွေကနေ တဆင့် မြို့ပြတွေနားကို ရောက်ရှိလာနေပြီး ရန်ကုန်နဲ့ ပဲခူးတိုင်း အပါအဝင် အာဏာသိမ်း စစ်ခေါင်းဆောင်တွေ အခြေစိုက်တဲ့ နေပြည်တော်အနီးကိုပါရောက်ရှိနေပြီလို့ NUG ရဲ့ တောင်ပိုင်းတိုင်း အထူးစစ်ဆင်ရေး တပ်ဖွဲ့ (S.O.F) တပ်ဖွဲ့မှူး အောင်စံရှား က ဧရာဝတီကို ပြောပါတယ်။
NUG ကာကွယ်ရေးတပ်အနေနဲ့ တောင်ပိုင်းနဲ့ မြောက်ပိုင်း စစ်ဒေသ ၂ ခုခွဲပြီး အခိုင်အမာ စစ်အင်အားနဲ့ လက်နက်တပ်ဆင်မှုဟာလည်း အထိုက်အလျှောက် ပြည့်စုံခိုင်မာလာပြီဖြစ်ကာ ၂၀၂၄ နှစ်ကုန်ပိုင်းမှာ မြို့ပြနဲ့ အနီးဆုံးကိုရောက်ရှိပြီး မြေပြင်စိုးမိုးမှုတွေ ပိုရလာဖို့ မျှော်မှန်းထားတယ်လို့ ဆိုပါတယ်။
S.O.F အဖွဲ့ဟာ ကရင်ပြည်နယ်၊ မွန်ပြည်နယ်နဲ့ တနင်္သာရီတိုင်း တို့မှာ ကျေးလက် စစ်ကြောင်း ၂ ကြောင်း လှုပ်ရှားနေပြီး ရန်ကုန်တိုင်း၊ ဧရာဝတီတိုင်း၊ မွန်ပြည်နယ်နဲ့ ပဲခူးတိုင်းတွေမှာတော့ မြို့ပြပြောက်ကျား တပ်တွေအဖြစ် လှုပ်ရှားနေတာဖြစ်ပါတယ်။
၂၀၂၄ ခုနှစ် ဇူလိုင်လ ၂၁ ရက်နေ့မှာ အဖွဲ့ တည်ထောင်ခြင်း ၃ နှစ်ပြည့်မြောက်ခဲ့ပြီဖြစ်တဲ့ S.O.F အဖွဲ့ရဲ့ ၃ နှစ်တာကာလအတွင်း စစ်ရေးလှုပ်ရှားမှု၊ နယ်မြေစိုးမိုးမှု အခြေအနေတွေနဲ့ ပက်သတ်ပြီး မေးမြန်းချက်ကနေ ကောက်နုတ်ဖော်ပြလိုက်ပါတယ်။
#ဧရာဝတီ #တောင်ပိုင်းစစ်ဒေသSOF #NUG #စစ်ဆင်ရေး #ကျေးလက်စစ်ကြောင်း #နယ်မြေစိုးမိုးမှု
Негізгі бет ၂၀၂၄ မှာ မြို့ပြ၊ ကျေးလက်တွေကို သိမ်းပိုက်မယ်
Пікірлер: 60