20 мамыр Көктал ауылдық кітапханасында Мәдениет және өнер қызметкерлері күніне орай "Мәдениет - қоғам айнасы" атты мерекелік шара өткізілді. Шараға Көктал ауылдық мәдениет үйінің қызметкерлері және "Рябинушка" славян орталығының мүшелері қатысты. Кітапханашы Г.Қасенова атаулы датамен құттықтап, мәдениет пен өнер саласы туралы біраз мәліметтермен бөлісіп, қонақтарды мерекелерімен құттықтады.
Мәдениет - ұлттың қуаты, ғасырлар бойы үзілмей келе жатқан рухани болмысы, ақыл-ой, парасаты.Ал халық даналығы «Өнер - ұлттың жаны», - дейді. Өркениетті ұлт, ең алдымен, тарихымен, өнерімен, әлемдік мәдениеттің алтын қорына қосқан үлесімен танылып, бағаланады.
Азаттықтың арайлы таңынан бастап елдің санасын сілкінтуге бағытталған батыл бастамалар мен мазмұнды бағдарламалардың байыппен іске асуына ақын-жазушы, кітапханашы, артистер мен архив, музей, өнер ошағындағы өзге де мамандар қосқан үлесі өлшеусіз,
ғасырлар бойы мұра болған асыл қазынаны - ұрпаққа жеткізу жолында ауқымды жұмыстар атқаруда.
Өнерді құрметтеп, мәдениетті өркендету - баршамыздың ортақ мақсатымыз болып табылады.
Құрметті әріптестер - мәдениет саласының қызметкерлері сіздерге денсаулық, бақыт, жалыны мол күш-жігер, ұмтылыстар, шығармашылық табыстар, жарқын да қызғылықты бастамалар тілеймін! Мереке құтты болсын!!!
Негізгі бет 21мамыр Мәдениет және өнер қызметкерлері күніне орай
Пікірлер