Unlocking Ancient Tamil Shipbuilding Secrets: A Journey Through 2500-Year-Old Technology.
Explore the remarkable shipbuilding prowess of the ancient Tamil people, dating back 2000 years. Join us on a captivating journey as we unravel the secrets behind their maritime mastery, revealing the innovative techniques and materials that enabled them to construct seafaring vessels of unparalleled sophistication. From intricate designs to advanced engineering principles, witness the legacy of a civilization that shaped maritime history. Embark on this archaeological adventure and discover the untold stories of Tamil shipbuilders.
நாவாய் சாத்திரம்
தமிழர்களின் பண்டைய தொழில்நுட்பத்தில் மிக சிறப்புமிக்க ஒன்று. உலகத்தில் உள்ள அனைவரையும் இணைத்த ஒன்று, எங்கு கிடைக்கும் பொருளையும் எங்கும் வாங்கலாம் என்ற வணிகம், உலகமே சிறக்க காரணமாய் இருந்த ஒரு சிறப்புமிக்க கண்டுபிடிப்பு நாவாய் என்கிற கப்பல் வடிவமைப்பு சூத்திரம்.
அப்போ தமிழர்கள்தான் நாவாய் போன்ற கப்பல்களை உருவாக்கினார்களா? இருக்கலாம்... நம்மிடம் ஆதாரமும் இருக்கு.
2000 ஆண்டுகளுக்கு முன்னமே கரிகால பெருவளத்தானைப் பற்றி புறநானுறு பாடல் 66 இல் நல்லவனோ அவன் என்ற தலைப்பில்
நளியிரு முந்நீர் நாவாய் ஓட்டி
வளிதொழில் ஆண்ட உரவோன் மருக!
களிஇயல் யானைக் கரிகால் வளவ!
சென்றுஅமர்க் கடந்தநின் ஆற்றல் தோன்ற
வென்றோய், நின்னினும் நல்லன் அன்றே
கலிகொள் யாணர் வெண்ணிப் பறந்தலை
மிகப் புகழ் உலகம் எய்திப்
புறப்புண் நாணி, வடக் கிருந்தோனே.
களிப்புநடை போடும் யானைமேல் தோன்றும் கரிகால் வளவ! கடலில் நாவாய்க் கப்பல் ஓட்டிக் காற்றையே ஆண்ட வலிமையாளரின் வழிவந்தவன்...
புறநானுற்று பாடலின் காலம் கிமு 500 முதல் 200 வரை எனக் கருதப்படுகிறது. அதாவது ஏறத்தாழ 2500 ஆண்டுகளுக்கு முன்பே.
இதுமட்டுமா இன்னும் பல பாடல் உண்டு.
தொல்காப்பியம், பட்டினப்பாலை போன்ற பல நூல்களில் சான்றுகள் கிடைக்கின்றன.
தமிழ்நாடு தொல்லியல் துறை அகழாய்வில் ஏறத்தாழ 2500 ஆண்டுகள் பழமை வாய்ந்த பானைஓடுகளில் கப்பல் கொண்ட கீறல் ஓவியங்கள் கண்டுடுக்கப்பட்டுள்ளது ஒரு பெரிய ஆதாரம்.
கப்பல் உருவம் பொறிக்கப்பட்ட பல்லவர்கள் கால காசு நம் கடல் வணிகத்திற்கு பெரும் சான்று.
இதைவிட பெரிய விஷயம் என்னவென்றால்
நமக்கு கிடைத்த நாவாய் சாத்திரம் என்ற ஓலைச்சுவடி. கப்பல் கட்டமைப்பைப் பற்றி அனைத்து செய்திகளையும் தனக்குல் பொதிந்து வைத்துள்ளது.
எந்தவகை மரங்களை இவர்கள் தேர்ந்தெடுத்தனர், எந்த காலம் களம் செலுத்த உகந்த நாள், எப்போது எந்த நாட்டிற்கு புறப்பட்டாள் ஆபத்து இல்லாமல் திரும்பலாம் போன்ற செய்திகள் குவிந்துள்ளது.
வங்கம்
பாதை
தோணி
யானம்
மதலை
திமில்
பாறு
அம்பி
பக்ரி
சதா
பாரதி
நவ்
போதம்
தொள்ளை
நாவாய்
பகடு
ஓடம்
பட்டிகை
படுவை
புணை
மிதவை
தெப்பம்
இது அனைத்தும் கப்பல்களின் பெயர்கள்.
கப்பல் கட்டுவதற்கு பல மரங்களைப் பயன்படுத்து உள்ளனர். இதில் சிறப்பான ஒன்று நெருப்பில் எரியாத மரத்தை குறிப்பிட்டுள்ளார்கள்.
கப்பல் செய்யும் மரத்தில் சூழல் இருக்கக் கூடாது அதாவது கணு.
மிதுனம், கன்னி, தனுசு, மீனம் கொண்ட நாட்கள் கடல் பயணத்திற்கு ஆகாதது எனவும்,
ரிஷபம், கும்பம், மகரம், விருச்சகம் கொண்ட நாட்கள் பயணத்திற்கு உகந்த நாட்களாகவும் கூறுகிறார்கள்.
" வெள்ளி ஓரை நீர் காட்டும், சந்திரனாகில் காயப்படுத்தும், புதனாகில் பாய்மரம் முறியும், சூரியனும் அங்கரனும் மந்தனும் ஆகாத நாள் என்று அறியவும். என்று கப்பல் சாத்திரம் கூருகிறது.
"எல்லா ஓரையும் வியாழ கிரகமும் கொண்டு செய்யவும்" என்று கப்பல் செய்மானம் குறித்து குறிப்பிடுகிறது.
சூரியன் மாதம் 30 நாட்களில் கடேசி 3 நாட்கள் கடலில் கப்பலை செலுத்த கப்பல் விரைவில் பழுதாகும் என்கிறது இந்த சாத்திரம்.
இது மூடநம்பிக்கையாக தெரியலாம், ஆனால் சற்று யோசித்து பார்த்தால்... கடல் அலைகள் அமாவாசை, பௌர்ணமிக்கு மாறுவதை நாம் பார்த்திருக்கிறோம், நம் முன்னோர்கள் இயற்கை மற்றும் ஐம்பூதங்கள் சார்ந்தே வாழ்க்கையை அமைத்து வாழ்ந்தனர், எனவே காற்று அழுத்தம், கடலின் வேகம், காற்று திசை அறிந்தே பயணித்தனர். இதற்க்கு இந்த சூத்திரம் பொருத்தமாகவே இருக்கும் என்று நான் நம்புகிறேன்.
தொல்லியல் ஆய்வுப்படி கிடைத்த சான்றுகளும் பல சங்கப்பாடல்களும், தமிழரின் கப்பலே வெகுநாட்கள் ஓடும் அளவு சிறப்பான கட்டுமானத்தை கொண்டிருக்கும் என்று குறிக்கிறது.
அதேபோல் கப்பல்களுக்கு இரும்பு ஆணிகளைப் பயன்படுத்தாமல் சேதிசெய்த களிம்பு பிடிக்காத செம்பு ஆணிகளைப் பயன்படுத்தி உள்ளனர்.
Негізгі бет 2500 ஆண்டுகளுக்கு முந்தைய தமிழரின் கப்பல் கட்டுமானத் தொழில்நுட்பம்
No video
Пікірлер: 53