Біреу білсе, біреу білмес. «Қыз Жібек» фильмінде Бекежен батырдың жазықсыз айыпталғандығы туралы айтсам деп едім. Сәбит Жолдасов (тарих ғылымдары-ның докторы), жазушы Мұқадес Есләмғалиұлы, Бауыржан Ғұбайдуллин т.б. еңбектерін оқысақ Бекежан батыр томенгі жағдайда жазықсыз жауыз болып көрсетіліпті.
Кезінде «Қыз Жібек» жырының ауызша нұсқасын Жүсіпбек Шайқыисламұлы өзінше “өңдеп-жөндеп” қағазға түсіргенде Төлегенді қапыда атып өлтірген Кескентерек атты қарақшының орнына Бекежан батырдың атын жазып жіберген. Себебі Кескентерек Шайқыисламұлының өзі шыққан қожа руынан екен. Сөйтіп, рушылдық ауруына шалынған адамның кесірінен тарихи қателік орын алған.
Негізінде, Бекежан Айбекұлы - өмiрде болған адам. Шектi руынан шыққан. Бекежан - Қыз Жiбекке бесiншi атадан барып қосылатын, қыз алыспайтын туысы екен. Кескентерек Қыз Жiбектi Төлегеннен қызғанған, бiрақ Бекежан батырдан батпаған. Бірде Бекежан Зұлфия атты сұлуды алу үшiн жолаушы кеткенде ол Төлегеннiң келетiнiн бiлiп, алдынан шығып, Қособада атып өлтiрген.
Бекежанның Қайрақ, Байрақ, Тайлақ атты үш ұлы Нұргүл атты бiр қызы болыпты. Үш ұлы да кезiнде танымал батыр болған. Тайлақ 1729 жылы «Аңырақай шайқасында» Кiшi жүздiң жасағын басқарса, Байрақ пен Қайрақ мыңбасы болған екен.
Негізгі бет 29 января 2024 г.
Пікірлер: 22