教學如果覺得唔清楚,可能要睇睇以下文字版教學,因為本身只係即興想錄一齊玩遊戲嘅時刻,而且只係朋友間教學,無準備稿,所以鋪排唔會太有條理同埋成日會回帶,謝謝體諒。
00:17 規則教學
02:26 開心遊戲
我同智將玩遊戲時習慣互相傷害哈哈,如果覺得我地語氣好兇狠刻薄,冇錯,習性如此。
呢隻遊戲12月Podcast會再簡略講講感想。
歡迎留言同訂閱,如果有錯麻煩大家指點交流,而如有疑惑亦歡迎留言查詢,一齊討論吓,謝謝!!
--------------------------------------------------------------------------------------
文字版簡略二人遊戲教學
設定:
• 遊戲總共有54張炸彈卡同11張Fuse卡。
• 如果想降低難度,炸彈卡中有5張值6分,難度比較高,剔除即可。然後按我條片擺法,玩家獲得兩張炸彈卡放自己面前,4張放中間,當完成任務後就可以揀新任務做。注意,起始炸彈卡必須有一張係1/2分,否則重洗。
• 按說明書人數同想玩嘅難度,從中拎出所需數量嘅卡。我地玩嘅係基本版標準難度,總共拎20張炸彈卡,其餘Fuse卡就收埋。
2人遊戲流程:
① 10分鐘限時內,擲四粒骰,兩位玩家必須拎其中兩粒骰放到自己嘅炸彈卡解任務,唔同卡有唔同規矩,主要都係啲指定顏色、數字,當中有啲形狀要求金字塔式疊起等等。
② 如果好似我片頭咁拎多咗或少咗骰,都要放翻落袋重新擲過。
③ 按卡牌任務處理,完成就蓋埋張牌放自己度,再喺四張炸彈卡揀翻張,再放一張新炸彈卡喺中間,如果手上炸彈卡已經有Level 3或4卡,盡可能都係拎低level啲,否則可能會卡關。
④ 如果粒骰用唔到,就要一齊受罰,將無用度粒骰重擲(我地又玩錯走去抽粒新,自行提升難度)。每位玩家按粒骰數字同顏色盡可能掉翻任務牌上嘅骰入袋。例如紅色3擲出,玩家有紅色骰或者3號骰都要收翻落袋,而如果粒骰喺底(例如金字塔下比其他骰壓住)則安全。
⑤ 只要限時內中間無曬炸彈卡就贏(就算自己面前有兩張炸彈卡都係通關),說明書又話要計總分紀錄乜乜乜,我覺得無咩需要哈哈。
--------------------------------------------------------------------------------------
FUSE(導火線)
boardgamegeek.com/boardgame/1...
--------------------------------------------------------------------------------------
#boardgames #fuse #familygames #hongkong #桌遊教學
Негізгі бет 2人桌遊俱樂部#1 | FUSE 教學及遊戲流程 | 擲骰合作遊戲 | FUSE boardgame tutorial and playthrough | 附中文字幕
Пікірлер: 1