Естеріңізде болса, Астарлы ақиқатта “Сайтан алғыр саяхат” тақырыбымен бағдарлама жасап едім. Мальдив аралдары, Мысыр, Грузия, Турцияға арзан апарады деп “Казак тревелді” Нұрдәулет, Қабдол, Елдос Калабок, Серік Ибрагимов, Жанболат Найзабеков секілді танымал блогерлер жарнамалаған болатын.
Шу шыққан соң, жарнама жасаған жұлдыздарымыздың бәрі мұндай боларын білмедік деумен шектелді. Тек Қуанық Шаймардан журналистік тергеуге көмектесті. Сөйтіп, Казак тревелдің басшысы Айдана Смаилова есімді келіншек екені белгілі болды. Оны Кентау қаласы полициясы 2015 жылы ұры ретінде есепке алған болып шықты. Бірақ Алматыға келген соң, аяқ асты байып, мотиваторға айналыпты. Бірақ турға бармай, ақшасын қайтаруды талап еткендермен әңгімесін әдеби деп айта алмаймын.
Тура бір жыл 11 айға созылған істің нүктесін Бостандық аудандық соты кеше ақыры қойды. Айдана Смаилова алаяқ деп танылып, 4 жыл 6 айға сотталды. Сот залынан ол бірден түзеу мекемесіне кетті. Ал арызданған адамдардың 20 миллионнан аса ақшасын қайтаруға 1 ай уақыт берілді.
Негізгі бет 4 жарым жылға сотталды | Қазақ Travel | Көзқарас
Пікірлер: 31