Бәріңізге Ассалаумағалейкум
Алда жалда АҚШ пен Қытай соғыс аша қалса, Қазақстан қарулы күштері төтеп бере алатын жағдайда ма? Әскер сабында қанша адамымыз тұр? Біздің әскери рейтингіміз өзбектерден неге төмен? Бүгінгі соғыс техникаларымыздың, қару-жарақтарымыздың хәлі қалай? Иран мен АҚШ соғысса жеңісті кімге тігер едік? Бұл сұрақтардың жауабын сізге Білген дұрыс
Құмға сіңген қара судай болып кеткен бояуы түгіл, түгі де қалмаған 4-5 ай бұрынғы АҚШ пен Иран соғысын қайта сараптап, Қазақстанның қарулы күштерімен салыстыра кетуді жөн көрдік.
АҚШ әскерінің қуаттылығы жайлы айтудың өзі артық.
Қорғанысына жылына 650-700 млрд доллар қаржы бөлетін елдің алапат әскери күшке ие екендігі Алматының Каблукова көшесіндегі жындыханасында жатқандарға да белгілі. 1,2 млн әскері сапта тұрған, 18 мың ұшу құралдарының ішінен 5700 супер жойғыш ұшақтары мен 2700 тікұшағы шабуылды күтіп отырған, 34 ғарыштық әскери спутнигі жердің бір сантиметрін қалдырмай суретке түсіріп, әуеден бақылап, демеу берген, 11 авианосеці ышқынып, "жау қайдасың" деп талпынып көк толқында тербелген, 2400 "Абрамс" арғымақтары жаудың алқымынан алуға асыққан, 3 мың ядролық қаруы кімді де болса уранмен тамақтандыруға дайын отырған ақбас бүркітке парсылар нені қарсы қояды екен?!
"Иран жолбарысы" да өліспей беріспек емес. Біз 1991 жылы әлемдегі әскери қуаттылығы жағынан 4-орынға ие болған Ирактың аз уақыт ішінде тас-талқан болғанын көрдік. 2003-те Таяу Шығыстағы ең бір қуатты деген Бағдат режимі бақилық болды. Саддамның саяси жоспарлары дарға асылды. Қазір дежавю бойынша, сол бір халықаралық жағдай қайталанудың алдында тұрғандай. Сонымен Тегеранның тегеуріні қандай?
Иран әскери күштері әлемде өзіндік ерекшелікке ие. Онда "Иран әскери күштері" мен "Ислам революциясын қорғау корпусы" бар. Екеуі де теңіз, әуе, құрлық әскери күштеріне ие. Сонымен қатар сыртқы барлау мен әскери операцияны іске асыратын "КУДС" арнайы құрылымы жасақталған. Әлгі марқұм Қасым Сүлеймани сол Құдысты басқарып жүріп құрдымға кеткен-ді. Тағы бір ерекшелік Иранда халықтық Басидж жасақтары бар. Олардың саны шамамен 8-10 млн арасында. Басидж қару ұстай алатын халықтық жасақ. Былайша айтқанда Қытайдағы НОАК-тың халықтық жасағы іспеттес.
Парсылар қорғаныс саласына жыл сайын 12 млрд доллар бөледі. Сапта 650 мың әскері тұр, соғыс жағдайында тағы 10 млн әскер мобилизациялайтын күшке ие. 300 ұшақ пен 400 тікұшақтары, 2800 танк пен 2000 әскери көліктері, 900 ПВО және ПРО жүйесі бар. Авианосец жоқ, бірақ 50-55 әскери кемелер (сүңгуір қайықтар, корвет, торпеда тасушылар) бар. Жылдар бойы санкцияда отырған Иран соңғы үлгідегі қаруды сатып алуда қиындық көруде. Революциядан кейін салынған санкция оларды ескі қарумен қалдырды. Сондықтан қарудың 70%-ына 40-50 жыл болған. Сол себепті де Иран билігі ескі қаруды модернизациялауға және өздері жаңа қару түрлерін ойлап табуға мәжбүр. Соңғы жылдары танктер, зымыран кешендері мен беспилотниктер жасауда біршама тәжірибеге ие болды. Дей-тұра оның барлығы да АҚШ қаруына бәсекелес бола алмайды.
Иранның менің ойымша қолында екі көзірі бар. Біріншісі шиизм яғни дін. Шиіттер дін мен отанды қорғап өлу - жұмаққа тура апаратын билет деп санайды. Көбі ұрыс даласында өлуді ес біле салып, армандайды. Ендеше армандар орындалады!) Айтпағым олар бұл соғысқа өз еріктерімен сұранып, өлімнен қорықпай соғысуы бек мүмкін. Ну, блин это шанс. Соғысып, тірі қалсаң - батырсың, өліп кетсең - хор қызын құшақтайтыныңа гарантия (солай сендіреді).
Екіншісі Таяу Шығыста Иранның қолдайтын содырлары шибөріше шулап жүр. Олар Ливан, Сирия, Ирак, Палестина, Йемен, Ауғанстанда бар. Бұйрық берсе, қан майданға кіруге дайын.
Ешкімге соғыс та, өлім де тілемеймін. Тек фактілерді сараптап көруді жөн көрдім. Егер букмекерлер "кім жеңеді" десе, АҚШ-қа ойланбай тігер едім.
Бүгінгі таңда Түркия БПЛА-ның көмегімен Сирия әскерінің күлін көкке ұшыруда. Сирия әскерінің 90% шығыны БПЛА соққысынан келген. Түрік ағайындар компьютерлік ойын ойнағандай төбеден танк, әскери көліктер мен қару-жарақ қоймалары, жаяу әскер, ПВО және ПРО құрылғыларын талқандап жатыр. Анкара өзі БПЛА шығарады. Бұл жағынан ешкімге тәуелді емес. Шығарған техникасының соғыста тиімді екенін дәлелдеп те үлгерді.
Ал енді Қазақ еліне келейік. Біздің әскерде қандай БПЛА бар екен деп іздеп көрдім. Нақты ақпараттар өте аз. Қарапайым барлау дрондары жеткілікті. Ал қуатты соққы жасайтын БПЛА-лар аз екен. Қазақстан Қытайдан 2016 жылы "Wing Loong" БПЛА-ларын сатып алыпты. Бақандааааай - ЕКЕУ! Бұл БПЛА-ны Батыс сарапшылары АҚШ-тың "Предатор" БПЛАсының көшірмесі дейді. Нақты бағасы белгісіз, бірақ 1-1,2 млн доллар шамасында деген ақпарат бар. 2019 жылы, тамыз айында Қазақстан Израильдің "Elbit Systems Ltd" компаниясымен келісімге келген еді. Бұл жойғыш БПЛА құрылғысын шығаратын компания болып табылады. Осы компаниямен іс жақсы жүріп, әскеріміз БПЛА-лармен толықса деп тілеп жүрмін өз басым.
Толығырақ Видеода...
Негізгі бет Ойын-сауық 5 000 Мың Танкімен Басып Кірем!
Пікірлер: 2,3 М.