#BirBax #xalqtəbabəti #qulunc
#azerbaycan #kürək #ağrı #ağrıkəsici
Qulunc ağrısından necə xilas olmaq olar?
Xalq dilində qulunc olaraq bilinən əzələ ağrısı kürəyin üstündə yaranan əzələ sıxılmasıdır. Problem daha çox stressli və hərəkətsiz həyat sürən insanlarda müşahidə olunur. Çox vaxt ağrılı nahiyəni kobud şəkildə əzmək və ya masaj etməklə problemdən xilas olacağımızı düşünürük. Amma əslində, vəziyyəti daha da ağırlaşdırmış oluruq. Bəs bu halda biz nə edək? İndi biləcəksiniz.
Miyofasial ağrı sindromu (MAS) olan qulunc əzələlərə və ətrafındakı yumşaq toxumalara təsir edən xroniki haldır. Qulunc ağrısı bəzi əzələləri və əzələlərin təşkil olunduğu yumşaq toxumaları əhatə edir. Qulunc ağrıları, adətən, bel, boyun, sinədə meydana çıxır. Qulunc ağrısı olan nahiyələrdə hərəkət zamanı çatırtı səsi eşidilir. Bəzən bir nahiyədə başlayan qulunc ağrısı zamanla ətrafına yayıla bilir.
Hərdən ağrılar həssas əzələ nöqtələrinə heç bir təzyiq olmadan da meydana çıxır. Hətta elə nahiyələrdə başlayır ki, məəttəl qalırıq: “Burada da qulunc olarmı?” -deyə öz-özümüzdən soruşuruq. Mütəxəssislərin rəyinə əsasən, çatırtı ilə müşayiət edilən qulunc ağrılarının kökündə əzələ şişkinliyi, əzələ zəifləməsi, əzələlərin həssaslığının artması dayanır.
Qulunc ağrıları ilə bağlı müxtəlif elm mərkəzlərində tədqiqatlar aparılıb. Onların əldə etdiyi nəticələri analiz edərkən, qulunc ağrılarının səbəblərini bu cür ümumiləşdirmək olar:
1. Əzələ yaralanması. Təkcə əzələdə deyil, əzələni əhatə edən təbəqədə də görünən zədələnmə qulunc ağrısı yarada bilir;
2. Əzələlərin həddən artıq gücə düşməsi və təzyiqə məruz qalması. Ağır işlərdə işləyənlərdə, yük daşımaq məcburiyyətində qalanlarda əzələlərin xəsarət almasına, iltihablanmaya rast gəlinir. Qulunc ağrısı bu kimi halların “həyəcan siqnalı” sayılır;
3. Yanlış duruş (narahat oturma şəkli, hansısa işi görərkən əzələyə güc düşməsi). El arasında “donqar duruş” adlanan bir durum var. Bu cür duruşa malik insanların qulunc ağrılarından şikayətçi olduğu məlumdur;
4. Sinir sıxılması. Əzələlərdəki və ya əzələ ətrafındakı təbəqədə sinirlərin sıxılması qulunc ağrıları ilə özünü biruzə verir;
5. Uzunmüddətli hərəkətsizlik və ya oturaq həyat tərzi. Aktiv hərəkət etməyəndə əzələlər soyuyur, nəticədə, ağrı hiss edilir;
6. Xroniki infeksiyalar;
7. Köklük. Artıq çəkiyə malik insanların əzələlərində xəsarət meydana gəlməsi riski artır. Təbii ki, istənilən xəsarət vaxtında aşkarlanmadıqda, müalicə edilmədikdə iltihablanma qaçınılmaz olur. Orqanizm qulunc ağrıları ilə haray çəkir;
8. D vitamini, fol turşusu kimi vacib elementlərin çatışmazlığı. D vitamininin əzələlərin və sümüklərin qorunmasında xüsusi rolu olduğunu bilirik. Əzələlər D vitamini ehtiyacını qulunc ağrısı vasitəsilə bildirə bilir;
9. Yuxu pozğunluğu;
10. Stress;
11. Soyuqdəymə;
Bəs Qulunc ağrılarından xilas olmaq mümkündür?
Məşhur islam həkimləri Əl-Razi və İbn Sina belə bir resept söyləmişlər: “Qulunc olan zaman zeytun yağına batırılmış bezin içinə isti duz doldurun və quluncun üstünə qoyun”. Həqiqətən mükəmməl reseptdir.
Qulunc üçün xalq təbabəti üsulları:
1-ci üsul. 1 stəkan zeytun yağının içinə 1 xörək qaşığı udi hindi tozu qarışdırılır və kürək nahiyəsi yavaş-yavaş ovxalanır.
2-ci üsul. 1 ədəd portağal və ya 2 ədəd limonun qabıqları qurudulur, toz halına salınır, qara zirə yağı ilə qarışdırılır, isidildikdən sonra bez parçası bu yağda isladılır və qulunc nahiyəsinə təpitmə qoyulur.
3-cü üsul. Qoz böyüklükdə rusca хрен olan qıtıqotu kökünü, bir ədəd orta ölçülü kartofu və kartof böyüklükdə qoyun quyruğunu ətçəkən maşından keçirin, qarışdırıb yarım saat quluncun üstündə saxlayın. Bacardığınız qədər çox saxlaya bilsəniz daha faydalıdır.
4-cü üsul. Böyük bir kələm yarpağı qaynayan suyun içində 2 dəqiqə qaynadılır və isti vəziyyətdə quluncun üstünə təpitmə qoyulur, üzəri yun parça ilə örtülür.
Bəs xalq təbabəti çarə etmirsə, o zaman nə etməli?
Bu halda çıxış yolu dərman və fizioterapiyadır. Fiziki təlimlər əzələ kütləsinin qorunmasına kömək edir. Düzgün qidalanma, artıq çəki varsa, arıqlamaq, stressdən uzaq durmaq da qulunc şikayətlərini azaldır. Quluncdan xilas olmaq üçün istifadə edilən üsulları belə sıralaya bilərik:
-Reseptlə satılan dərmanlar;
-Fiziki təlimlər və fizioterapiya;
-Əzələ kütləsini qorumaq;
-İynəbatırma;
-Düzgün qidalanma və arıqlamaq;
-Stressdən uzaq durmaq;
-Şüurlu şəkildə müalicə proseduru tətbiq etmək;
-D vitamini və fol turşusu qəbulu;
-Ultrasəs müalicəsi;
-Əzələni rahatladan plastrlar, bandajlar;
-Qulunc ağrısı olan nahiyəyə isti su torbası qoymaq;
-Masaj;
El arasında qulunc qırmaq üsulları da var: qapıya söykənib gərinmək, bir insanın arxadan qolları dartması və s. Ancaq bilməlisiniz ki, bu üsulların tətbiq edilməsi zamanı xəsarət almaq riski yüksəkdir. Ən yaxşısı, mütəxəssis məsləhəti ilə masaja, fiziki təlimlərə baş vurmaqdır.
Негізгі бет Ғылым және технология 5 Dəqiqədə QULUNC AĞRISINI BELƏ KƏSİN!
Пікірлер: 68