Маңғыстау облысындағы Басқұдық ауылының тұрғындары үйінің ауласында 50-ге жуық ит бағатын көршілерін басқа жаққа көшіруді сұрайды. Өйткені төбеттер үргенде ұйқы қашып, маза кетеді дейді. Оның үстіне қаптаған иттің исіне жаздыгүні шыдау тіпті мүмкін емес екенін айтады. Ал бұған бір шара қолдануға әкімдіктің де, полиция қызметкерлерінің де құзыры жетпей отыр. Өйткені елдегі "Жануарларды қорғау" туралы заң бойынша бір адам қанша ит бақса да өз еркінде.
Басқұдық ауылының тұрғындары иттердің дәл осылай арпылдаған даусынан әбден мезі болғандарын айтады. Ол аздай, жағымсыз иіс бүкіл көшені алып кетті деп наразы. Соның кесірінен күн ысығанда есік-тереземізді ашпай, қапырықта қамалып отырамыз ба дейді. Төбеттерден берекесі қашқан тұрғындар бір емес, бірнеше итті ауласында бағып отырған көршілерін басқа жаққа көшіру сұрайды.
АМАЛ АҚЖІГІТОВ, Басқұдық ауылының тұрғыны:
- Иісі деген жатқызбайды, үргенде деген түнімен жата алмаймыз. Иіс деген ертең жазда қалай болады? Екі рет участковый келді, участковый да дым істей алмай кетті. Мен кіре алмаймын деді. 30 иттің документін алып шықты міне деді заңды деді. Жоқ, ол заңды түрде баға берсін. Ит деген заңды түрде болса, далада бағу керек адам жоқ жерде. Мынау жан-жағыңда көрші6 ит бағуға болмайды ғой.
БАСҚҰДЫҚ АУЫЛЫНЫҢ ТҰРҒЫНЫ:
- Адамдардың арасында ит деген болмайды. И так та адамдарда денсаулық жоқ қазір. Анау иттің даусынан мүмкін емес, отыра алған жоқпыз. Үйдің іші ысып кетіп терезені ашып еді, иттің иісі келіп тұр.
Тұрғындар осы уақытқа дейін әкімдік пен санитарлық эпидемиологиялық стансаның табалдырығын тоздырдық, бірақ одан нәтиже шықпады деп отыр. Құзырлы органның да құзыры жетпеген көршіміз, біздің жанайқайымызды тіпті тыңдағысы жоқ дейді. Ал иттердің иесінің өзі ауласында 50 емес, 22 ит бағып отырғанын айтады. Сондай-ақ барлығының құжаты түгел, заңнан аттамадық деп ақталды.
ТАТЬЯНА ТКАЧ, Төбеттердің қожайыны:
- Бұған адамдардың өздері кінәлі. Олар итті бағуға алады да зарарсыздандырмайды. Сосын босатып жібереді. Қайта біз сондай қаңғыған иттерді құтқарып, зарарсыздандырамыз. Емдетіп, құжаттарын жасаймыз. Менің иттерім ауладан шықпайды.
Үй жануарларын ұстау мен серуендетудің Маңғыстау облысы бойынша ережесіне сәйкес жеке үй ауласында қанша ит бағуға болатыны көрсетілмеген. Сәйкесінше, былтыр ғана қабылданған "Жануарларды қорғау" туралы заңда да ол жазылмаған дейді заңгерлер. Ал Басқұдық ауылының тұрғындары болса осындай «шикі заңның кесірінен қаншама халық жапа шегіп отыр» деп қапалы.
Бізді әлеуметтік желіде оқыңыздар:
KZitem - / @informburo31kanal
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал
Негізгі бет 50 жуық ит бағатын көршіні басқа жаққа көшіру мүмкін бе? Заң не дейді?
Пікірлер: 204