لينك حجز الكورس ع الواتس:
chat.whatsapp.com/B8RBbEPYIzX...
رقم حجز الاستشارات : ٠٠٢٠١١٥٠٥٨٦٠٥٢
التصرفات اللي تصدم النرجسي وتكرهه فيكي
١- انك تعملي له مفاجأة !!!
تخيلي انك لو عملتي للنرجسي مفاجأة بيتصدم وممكن يكرهك للسبب دة ؟ ايه دة دا مجنون هو فيه حد مايحبش المفاجئات؟ ايوة النرجسي بيكره المفاجئات بالرغم من ان المفاجئات بتعمل دفقة دوبامين عاية جدا والدوبامين دة بيسموه هرمون السعادة الا ان النرجسي مش بيحصل كدة معاه ، طيب ليه ؟ لان النرجسي اهم حاجة عنده انه يسيطر عليكي وهو عشان يسيطر عليكي لازم يكون فاهمك كويس جدا لدرجة انه يتوقع كل تصرفاتك ويكون متأكد ان مفيش حاجة انتي ممكن تعمليها مايكونش هو متوقعها او ماتكونيش معرفاه من قبل ماتعمليها فلما انتي تعملي له مفاجأة دة معناه انه ماقدرش يتوقعك صح وانك بدأتي تتصرفي من غير ماتقولي له ودة معناه انك اتغيرتي وانك اتجرأتي وحتخرجي عن السيطرة ، ودة فيه خطورة ع النرجسي لانه بيخاف مايسيطرش عليكي وفي نفس الوقت بيخاف يحس بالفشل اذا ماسيطرش عليكي فبالتالي الإحساس بالخوف بيغطي تماما على السعادة اللي مفروض بيسببها الدوبامين للناس الطبيعيين فبدل مايكون سعيد ينكد عليكي وبعض النرجسيين الخبيثين جدا بيعرف يفصل لان عنده ادراك كبير بوضعه فياخد المفاجأة وينبسط بيها ويسيب الدوبامين يشعره بالسعادة بس هو في قرارة نفسه عارف ازاي حينكد عليكي وحيرجع سيطرته فتلاقيه في وسط القعدة الحلوة اللي انتي فاجئتيه بيها ينكد عليكي بأي طريقة او يتجاهلك او مايقولش شكرا او بعد ماتخلص المناسبة يتلكك ويعمل لك غضب نرجسي ،المهم ان في كل الأحوال نتيجة المفاجأة صدمة ونكد وكره
٢- انك تثبتي انه غلط وتواجهيه بغلطه بدليل دامغ مايعرفش ينكره ولا يعرف يقلب عليكي الترابيزة ، هنا النرجسي بيتصدم لسببين ،السبب الأول انه مفكر نفسه انه محدش يقدر يكشفه وانه حريص جدا وواخد باله ومش ممكن تقفشيه فلما يلاقي نفسه اتقفش كدة بيحس بالفشل وبيتصدم وفي نفس الوقت بيبدأ يخاف منك انتي ازاي قدرتي تعملي دة وانتي السجينة اللي مسيطر عليكي بكل الطرق ؟ والسبب التاني لصدمته انه خسر جولة وهو مستحيل يقبل الخسارة او الهزيمة والحاجتين دول بيخلوه يكرهك اكتر
٣- اذا منعتي التفاعل معاه ولغيتي مشاعرك وبدأتي تتعاملي معاه بعقلك وبالتالي مش بتتفاعلي في المناقشان والمعارك بتاعته ودة معناه انك بتنسحبي من اللعبة وهو مش عارف ياخد منك أي رد فعل فبغض النظر انه بيخسر الوقود السلبي والايجابي اللي مفترض يحصل عليه منك الا انه في نفس الوقت بيتصدم لانه عارف انه اذا ماعرفش ياخد منك ردود أفعال فهو اصبح مش مسيطر عليكي مش قادر يسيطر على مخك ولا على مشاعرك ودي بتكون طبعا صدمة عنيفة للنرجسي بتكون سبب في الغضب النرجسي عشان كدة بنقول اللي عايزة تتعايش وتستمر ماتقطعش تماما الوقود لازم تدي فتات خبز
٤- لما النرجسي يشوف حبك لاولادك وللي حواليكي وحبهم لكي واستمتاعك بالحب دة بيتصدم لانه شايف ان عندك حاجة مش عنده ومش قادر يحصل عليها ووعارف ومتأكد ان دة الطبيعي وانه مفروض يكون زيك لكن مش عارف ولا قادر يكون زيك فدة طبعا بيحسسه بالنقص ويزود صدمته وكرهه لكي طبعا
٥- طبعا طبيعي جدا انه يتصدم لما تقولي له مش عايزاك ،طبعا صدمته هنا مش لانك حتبعدي عنه وانه مش حيقدر يستغنى عنك لا طبعا صدمته هنا عشان ازاي أي حد في العالم ممكن يقدر يسيبه ويبعد عنه ،ازاي انتي عايزة تبعدي عنه وهو بنات العالم بتتهافت عليه وبتتمنى له الرضا يرضى وانتي ازاي مش زيهم وازاي مش شايفاه احسن حد في العالم ومش مقدرة النعمة اللي انتي فيها وكمان بترميها
٦- اذا بدأتي في الازدهار بعد مايرميكي
اذا النرجسي رماكي وهو في قرارة نفسه متأكد انك خلاص انتهيتي ومش حتقوم لك قومة تاني وانك اتدمرتي تماما وطبعا حتعرفي بقى انك خسرتي اهم واحد في العالم ويمكن تروحي له زاحفة تتحايلي عليه يرجعك واهلك يتحايلوا عليه وهكذا وبعدين مايحصلش ولا حاجة من الكلام دة ويلاقيكي اعتمدتي على نفسك وقدرتي ماترجعيش وقدرتي تبعدي عنه لا وكمان بقيتي احسن لما بعدتي وشفيتي من اسائته لكي ومن تكسيره فيكي وتخليتي عن المعتقدات السلبية اللي زرعها جواكي عن نفسك وتتحرري من كل قيوده المادية والنفسية بتكون دي اكبر صدمة للنرجسي واكبر هزيمة وخسارة بيتعرض لها لانه كان متخيل انك حتموتي من غيره وحترجعي تتحايلي عليه يرجعك وبما ان دة ماحصلش فهو ماعرفش يتوقعك صح وكمان هو فشل في انه يحطمك وفشل في انه يربطك بيه وكمان انتي كدة بترفضيه وكل دة بحسسه الخزي والعار
Негізгі бет Фильм және анимация ٦ تصرفات تصدم النرجسي وتقهره منك
Пікірлер: 258