NANINDIGAN ang mayoriya ng Sangguniang Panlungsod ng Tanauan City na harangin ang panukalang Php 615.7-milyong Supplemental Budget na anila'y hindi tamang paggastos ng pondo ng bayan.
Sa regular na sesyon ng Sanggunian nitong Martes, Agosto 27, at sa botong 7 NO at 5 YES, nabigo ang administrasyon ni Mayor Nelson Collantes na mailusot ang naturang panukalang budget na nakalaan sana sa iba't ibang programa ng pamahalaang lungsod.
Ayon sa mga hindi pumabor sa panukala, self-serving at halos mga 'band-aid solution' lamang ang mga programang ipinanukalang pondohan sa halip na ilaan ang pondo sa mga higit na kailangan ng mga mamamayan na mapakikinabangan ng lungsod sa mas mahabang panahon.
Kabilang sa mga hindi pumabor sina Kagawad Samuel James T. Bengzon, Kag. Eugene B. Yson, Kag. Dr. Marissa B. Tabing, Kag. Herman R. De Sagun, Kag. BGen. Benedicto C. Corona (ret), Kag. Dr. Kristel Guelos, at Kag. Marcelo Eric O. Manglo.
Ang mga pumabor naman ay sina Kag. Glen WIn Gonzales, Kag. Czylene T. Marquezes, Kag. Angel C. Burgos, ABC President Precious Germaine M. Agojo at SK Federation President Ephraigme F. Bilog.
Pinangunahan ni Vice Mayor Atty. Herminigildo G. Trinidad Jr. ang naturang sesyon.
Ayon kay Mayor Collantes, ang mga proyekto sanang popondohan ay mga inilapit sa kaniya ng mga punumbarangay ng lungsod.|
via Jayson D. AGuilon
ะะตะณัะทะณั ะฑะตั ๐ ๐๐ฌ๐ข๐ฅ๐๐ฌ๐ ๐ก๐ ๐ฆ๐ฃ-๐ง๐๐ก๐๐จ๐๐ก, ๐ก๐๐ก๐๐ก๐๐๐๐๐ก๐ ๐๐๐ฅ๐๐ก๐๐๐ก ๐๐ก๐ ๐ฃ615-๐ ๐ฆ๐จ๐ฃ๐ฃ๐๐๐ ๐๐ก๐ง๐๐ ๐๐จ๐๐๐๐ง - ๐ฃ๐ฎ๐ฟ๐ ๐
ะัะบััะปะตั