Ресейден келушілер көбейді дегеннен кейін бе, әйтеуір Алматыда белгісіз себептермен жалдамалы үйдің бағасы шарықтап кеткен. Мәселен, қаланың орталығындағы бір бөлмелі пәтер бағасы 650 мың теңгеге дейін көтерілген. Сарапшылар баспананы жалға алу құнының қымбаттауын ресейліктердің келуімен байланыстармайды. Ал, пәтер иелері не дейді? Әріптесім Аршат Әділжанқызы хабарласып көрген еді.
АРШАТ ӘДІЛЖАНҚЫЗЫ, тілші:
- 300 мың, 400 мың, 500 мың. Бұл алып шаһар Алматыдағы бір бөлмелі пәтерлердің бүгінгі жалдау құны. Үйді сату-сатып алу мен жалға беру туралы хабарландырулар ілінетін сайтта бағасы жарты миллионға жуықтаған баспаналар толып тұр. Мәселен, ең қымбат 1 бөлмелі пәтер Алматының Бостандық ауданында екен. Айына 650 мың теңге. Тұрғын үй 2021 жылы салыныпты. Пәтер 8 қабатты үйдің 2 қабатында орналасқан. 45 шаршы метр. Пәтер иесі баспанада қажетті тұрмыстық техника, дүние-мүліктің барын көрсеткен. Ал, сайттың ақпаратынша бұл пәтер дәл осы ауданда жалға берілетін өзге пәтерлерге қарағанда 66 пайызға қымбат. Ал, осы аудандағы мына бір пәтердің жалға алу құны 550 мың теңге екен. 15 қабаттың 2 қабатында орналасқан үйдің ауданы 40 шаршы метр. Президент саябағына жақын орналасқан бұл пәтердің маңында мектеп, емхана жоқ демесеңіз, көңіл көтеретін орындар таяқ тастам жерде тұр. Тек, қожайынға ай сайынғы пәтер ақысынан бөлек 150 мың теңге депозит бересіз. Бұл пәтер осы маңайдағы өзге пәтерлерден 96,4 пайызға қымбат.
Пәтер бағасы Алматыда шарықтап тұрғанымен Елордада баға айтарлықтай өзгермеген. Астанада бір бөлмелі пәтерді жалдау құны 150 мыңнан басталады. Ал, сарапшылар болса "Алматыдағы бағаның күрт өсуі Ресейден көшіп келіп жатқандардың көптігімен байланысты" деген ақпаратты растай қойған жоқ.
ЖАМБЫЛ ЗЕЙНОЛЛА, жылжымайтын мүлік бойынша сарапшы:
- Дәл бір Ресейден адам ағылып жатыр, соған байланысты өсті деп айту қиындау. Кешелі бері осы ақпарат естігеннен кейін біз де мониторинг жасап, ақпарат жасап, сайтты ашып қараймыз. Бірақ баға сол бойы. Өзгерген бағаны көрген жоқпын. Тем более бір күннің ішінде ақпарат шықты баға өсіп кетті деген енді ол екі талай нәрсе ғой. Мүмкін болашақта көтерілер, бірақ міне бір-ақ күн өтті ондай өзгеріс жоқ.
Сарапшылар бұл қымбаттаудың себебін дөп басып айта алмады. Анығы өзге өңірлерде жалдамалы пәтер бағасы әзірге өзгере қоймаған. Тек, Алатаудың етегіндегі Алматыда ғана пәтер ақысы аспандап тұр
Бізді әлеуметтік желіде оқыңыздар:
KZitem - / @informburo31kanal
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
Негізгі бет 650 мың! Ресейліктер қаптап келіп жатыр деген хабардан соң пәтер бағалары бірден шарықтап кетті
Пікірлер: 103