Ауырғанның көңілін сұрап бару жайында.
Абу Хурайра (Аллах оған разы болсын) Аллахтын елшісінің (Алланың оған игілігі мен сәлемі болсын) былай деп айтқанын жеткізді:
«Бүкіл мұсылманның бір-бірінің алдында бес түрлі парызы бар: сәлемге жауап беру, ауырғанның көңілін сұрау, мәйітті шығарып салу, шақырған жерге бару және түшкіргенге игілік тілеу» (Бухари және Муслим риуаят еткен)
Саубан (Аллах оған разы болсын) Алланың елшісінің (Аллахтын оған игілігі мен сәлемі болсын) былай деп айтқанын жеткізді:
«Расында, өзінің бауырының көңілін сұрап барған мұсылман оралғанша Хурфатул-жаннада болады». Сонда адамдар: «Иә Алланың елшісі, Хурфатул-жанна, деген не?», - деп сұрады. »Жәннәт жемісі», - деп жауап берді. (Муслим риуаят еткен)
Али (Аллах оған разы болсын) Алланың елшісінің (Аллахтын оған игілігі мен сәлемі болсын) былай деп айтқанын жеткізді:
» Өзінің ауру бауырының көңілін таңертең сұрап барған кез-келген мұсылман үшін жетпіс мың періште кешке дейін Алладан (күнәләрінің кешіруін сұрап) ол үшін дұға жасайды, ал егер ол ауру бауырының көңілін кешке сұрап барса, онда жетпіс мың періште таң атқанша Алладан (күнәләрінің кешіруін сұрап) ол үшін дұға жасайды, ал Жәннәтта оған жемістер дайындалады» (Термизи риуаят еткен)
Шарх:
Пайғамбарымыз (Аллахтын оған игілігі мен сәлемі болсын) үндеген істердің бірі ауру адамның халін сұрап бару. Өйткені бұл оның көңіліне деген жұбаныш және жаны жай тауып, риза болады.
Және бұл әрбір мұсылманның бауырының алдындағы ақысы. Пайғамбарымыз (Аллахтын оған игілігі мен сәлемі болсын) бұл істе өте үлкен сыйлықтар бар екенін ескертті.
Негізгі бет 70 МЫҢ ПЕРІШТЕ СЕН ҮШІН ДҰҒА ЕТУ ҮШІН ОСЫНЫ ЖАСА
Пікірлер: 68