Елімізде утильалымның коэффициенттері екі есеге азаяды. Жаңа бұйрыққа сәйкес, кәдеге жарату төлемінің мөлшері көліктердің түрлері мен санатына байланысты. Төлем жеңіл көліктер мен ауыл шаруашылығы техникалары үшін 50 айлық есептік көрсеткіш яғни, 153 мың 150 теңгені құрайды. Утильалымның бағасы төмендесе де нарықтағы автокөліктердің құны қымбаттай бере ме?! Нұрболат Жаңабекұлы жауап іздеп көрді.
Елімізде 14 мамырдан бастап утильдік алым мөлшері өзгертілмек. Экология, геология және табиғи ресурстар министрлігінің бұйрығына сәйкес автокөліктер мен ауыл шаруашылығы техникасының кәдеге жарату төлемінің ставкалары екі есеге азайтылып отыр. Бұдай былай базалық ставка мөлшері 153 150 теңге болады. Бірақ коэффицент автокөліктің қозғалтқыш көлеміне қарай өзгеріп отырады екен. Мәселен, бұрын қозғалтқышы мың текше сантиметрге дейінгі машиналар үшін 459 450 теңге болса, енді 229 725 теңге төленеді. Ал екі мың текше сантиметрге дейін 1 072 050 теңге емес, 536 025 теңге болып отыр.
ОЛЖАС БЕРКІНБАЕВ, ҚР ЭГТРМ Қоғаммен байналыс департаментінің директоры:
- 50 АЕК көбейтеміз 3063-ке, 153 150 теңге. Яғни, енді сіздің көлігіңіздің көлемі екіден жоғары болатын болса, оны беске көбейтеміз. Көбейтеміз беске сонда 765 750 теңге. Жаңа ставка бойынша осы. 2010-2020 шығарылған көліктер елге әкелсе оның тариф бағасы өзгермейді.
Сарапшылар шенеуніктердің утильдік алым көлемін екі есеге азайтқанынан өзгеріс бола қоймайды деп отыр. Айтуларынша, билік халыққа қалаған көлігін тиімді бағаға сатып алуға жағдай жасаудың орнына, дотацияда отырған автокөлік өндірісін дамытуға күш салып отыр. Сондай-ақ, айналдырған екі-үш ай ішінде нарықтағы көлік бағасы 20-30 пайызға қымбаттап кеткен. Яғни, қазір бірнеше ай бұрын 3-4 миллионнан сатылған көліктер құны кемі 1 миллионға көтерілген. Ал утильалым мөлшері ол соманың жартысына да жетпейді екен. Әрі, әлі әлемде көлік тапшылығы сезіліп жатыр. Сондықтан, алпауыт зауыттар пандемияға дейінгі кезеңдегідей нарық сұранысын толық өтей алмай келеді.
ЭДУАР ЭДАКОВ, Тәуелсіз автокөлік одағының төрағасы:
- Меніңше утильдік алым мөлшері сатысына қарай 10 мың, 20 мың, 50 мың болсын, бірақ 100 мың теңгеден аспауы қажет. Міне, осы дұрыс баға болар еді. Бастапқы тіркеу ақысы да 10-20 мың көлемінде болуы тиіс. Өйткені, бастапқы тіркеу дегеніміз жай ғана шарт. Ал біздегі баға сұмдық. Отандық автокөлік өндірісін қолдау үшін елге тиімсіз тариф бекітіп отыр. Иә, бұл тәжірибе әлем елдерінде болған. Бірақ сәтті аяқталған жоқ.
Сарапшы Эдуард Эдаков Қазақстан автокөлік өндірісінде әлем елдерімен бәсекелесе алмайтынын мойындауымыз қажет деді. Сол үшін қыруар қаржыны отандық автоөндірісті дамытуға жұмсағаннан гөрі, халыққа көлікті тиімді бағамен алуға мүмкіндік беру керек деп отыр.
Нұрболат Жаңабекұлы, Дәулетбай Нұрмахан
Бізді әлеуметтік желіде оқыңыздар:
KZitem - / @informburo31kanal
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
#жаңа_ставка #утилизациялық_алым
Негізгі бет Жаңа бұйрық! 14 мамырдан бастап утилизациялық алымның мөлшері еке есеге азаяды
Пікірлер: 33