Елімізде 6 ақпаннан бастап жеңілдетілген автонесие рәсімдеудің жаңа бағдарламасы іске қосылады. 4 пайызбен көлік алғысы келгендер сол күні таңғы сағат онда autonesie.kz платформасында жаңа кезекке тұрады. Яғни бұған дейін бір жыл бұрын автосалонға барып тркелген адамдардың кезегі жойылады. Тіпті төлем түбіртегін алып, банктен берілетін ақшаны күтіп жүрген азаматтар да қайта электронды кезекке тұруы тиіс. 761 өтініш тіркелгенннен кейін, жүйе жаңа өтініштерді қабылдауды тоқтатады. Ал аз пайыздық кредитті рәсімдеуге өтінішті тек бір айдан кейін ғана қайта беруге болады. Айта кетейін, дәл қазіргі уақытта автосалондарда ескі тізім бойынша көлік күтіп жүрген шамамен 25 мың адам бар.
Астана қаласының тұрғыны Ғанизат Оспанов осыдан тура алты ай бұрын 4 пайызбен несиеге көлік аламын деп диллерлік орталыққа барған. Арнайы талон алып, кезекке тұрған. Менеджерлер таңдаған көлігіңіз шамамен үш айда Қазақстанға жеткізіледі депті. Алайда, кезектің ілгері жылжуы сағызша созылып кеткен. Енді жаңа темір тұлпарды мүлдем тақымдай алмай қаламын ба деген қорқыныш басым. Себебі 6 ақпаннан бастап жеңілдетілген автонесиелеу арқылы машина иемденгісі келетіндердің барлығы бір жүйеде тіркелуі шарт. Яғни бұрынғы кезек жойылып, қайта жасақталады.
ҒАНИЗАТ ОСПАНОВ, Астана қаласының тұрғыны:
- Енді біз осыдан 5-6 ай бұрын платформаға емес, әншейін барып регистрацияға тұрғанбыз. Енді міне жаңадан платформа шығып жатыр дейді. Біздің қанша күткен очередіміз, барлығы бірігеді деп жатыр. Платформаның өзіне бағана кіріп қарасақ, ол жұмыс жасамай тұр. Ертең ол платформа ашылған күннің өзінде қанша мың адам адам, қазақ халқы бір күнде тіркеледі деп мен ойламаймын. Оны көтере ме жоқ па?!
Қолында төлем шоты бар, тек көлігін күтіп жүрген азаматтардың барлығы қазір елең-алаң күйде. Себебі, 6 ақпанда Астана уақытымен таңғы сағат онда www.autonesie.kz платформасында несие алуға өтініш беру басталады. Өнеркәсіпті дамыту қоры платформамыз жүктемені толықтай көтере алады, жүйе істен шықпайды деп уәде беріп отыр. Тіркелу үшін компьютер, Электрондық-цифрлық қолтаңба мен интернет болуы қажет. Алғаш тіркелген 761 өтініштен кейін, тіркеу автоматты түрде тоқтайды. Ал азаматтардың барлығына автокөлік жете ме деген сауалымызға жауаптылардың жауабы былай болды.
ҒАЛЫМЖАН ӘДИ, «Өнеркәсіпті дамыту қоры» акционерлік қоғамының басқарушы директоры:
- Порталға тіркелгенде ол сені 100 пайыз автонесие аласың деген сөз емес. Несие алуға қарастырыласың деген сөз. Порталға тіркелдің, одан кейін автосалонға барасың. Сені ИИН бойынша тауып алады. Сосын келісілген машина бойынша саған төлем шотын береді. Сосын сіз сол төлем шотымен 4 банкке барасыз. Адамға жаңа автоөндірушілер айтып жатыр, осы платформада тіркелген адамдарды машинамен қамтамасыз етуге бар күшімізді салуға бармыз деп.
Автонесие алудың шарттары өзгермеген. Яғни, сыйақы мөлшерлемесі 4%. Көлік бағасы 10 миллион теңгеден аспау қажет. Несие 7 жылға дейін беріледі. Тек айырмашылығы кезектің қалай жылжып жатқаны баршаға мәлім болады. Диллерлік орталықта менеджерлер арқылы заңсыз кезек жылжыту деген мәселені осылайша толық жоямыз деп отыр жауаптылар.
Бізді әлеуметтік желіде оқыңыздар:
KZitem - / @informburo31kanal
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал
Негізгі бет Жаңа ереже, жаңа кезек: 4 пайызбен көлік алғасы келетін азаматтарға құлаққағыс
Пікірлер: 19