Бәріңізге ассалаумағаликум. Отыз жылда биліктегілердің барлығы жеті атасына жететін байлық жыйды. Мұны місе тұтар емес. Осы беттерімен Тәуелсіздіктің төртінші он жылдығына аттап барады. Президент жолдауынан соң тәуелсіз журналист Ербол Мәндібек осылай деп ой қорытып, жазба жариялады. Биліктегілерді сойып салған журналист үкімет 30 жылдықтың құрметіне істеу керек тартулар тізімін жасап берді. Ол қандай тартулар? Ал танымал адвакат Абзал Құспан Тоқаевтың жолдауынан қате тапты. Ол Президент айтқандай «орыс тілін Қазақстандағы ресми тіл дейтіндей» заңдық негізі жоқ дейді. Ақын Ауыт Мұқибек болса жолдауда шеттегі алты-жеті млн. Қазақ туралы бір ауыз сөз айтылмағанына қатты қапалы. Ол Тоқаевқа қандай дат айтты? Жолдау жолданған жиыннан соң жаңа Қорғаныс министрі тілшілерге ұстатпай кетті. БАҚ өкілдерінен қашатындай оған сонша не көрінді? Мұны сізге білген дұрыс!
Адақты ағайын астына түсіп подписатся деген қызыл тетікпен қасында шыққау қоңыраушаны баса салыңыз. Біз сіздер үшін маңызды, өзекті һәм қызықты ақпаратты ұсыну үшін тынбай қызмет етеміз!
1-қыркүйек балалар у-шу боп, алғашқы қоңырау соғылып жатқанда Тоқаев кезекті жолдауын жариялады. Журналист Ербол Мәндібектің бұл жолдауға мүлдем көңілі толмаған. Таң атпай Тоқаев сөйлейді деп телевізірге телмірген жұрттың дәмесі "Дәмештің дамбалындай" болғанды. Бірақ, тарихи датаның алдындағы жолдау дал-дал және жұтаң шықты. Бұған не себеп немесе кім кінәлі? Деп сауал тастады ол оқырманына. Содан Себебі былай дейді. Отыз жыл бойына мұнай мен алтын кеніштерін биліктегі олигархтар өзара бөліп алып келді. Ал, аңқау қазақты арғы-бергі беттен қарыз алып асырады. Отыз жылда жиналған сырқы қарыз 200 миллиард долларға жетті.
Оны кім қайтарады? Әрине, елдің аузынан жырып алады. Қалайша? Әрине, сараңдыққа салады. Пандемия деген сыныққа тіпті тамаша сылтау болды. Шындығында, қазақ халқы отыз жылдықтың құрметіне "айғайлап ішіп, ойбайлап тышуға" құқылы еді. Әтттең, БЮДЖЕТТІ БЕЙШАРА, ҚАЗЫНАНЫ ҚАЙЫРШЫ қылған миғұла сорлылар сорыңды еселеп берді деп айтып-айтып тастады Ербол Мәндібек.
Сосын сөзін ары қарай сабақтады. Тоқаев кешегі жолдауын сараң бай сияқты бастан-аяқ жылап-сықтап оқып шықты. Дағдарыс, заман қиын деген үрейлі ертегілерді Елбасыдан бері естіп келеміз. Мұны қазақшалап айтсақ, алтын сандықты өз баласынан қызғанатын, өмірді өлместей көретін безбүйрек адамның әрекеті. Тоқаев жолдауды өзі жазды дегенге өлдім ешкім сенбейді. Жолдаудың сценарий авторы баяғы баспадан шығып жатқаны түсінікті. Нарықты халықтан жоғары қойып үйреніп қалған әдет бұл жолы тағы қайталанды. Шын мәнінде, осы отыз жылдықтың құрметіне биліктегі сараң байлар алақанын ашу керек еді. Осы жерде Ербол 30 жылдық тәуелсіздік тойы болатын мемлекет мынаны істеу керек еді дейді.
Мәселен.
-10 баласы бар отбасылардың барлығына (мейлі үйі болсын болмасын) 10 мың доллардан ұстатса....
-5 бала бағып отырған отбасыларға 5 мың доллар
-Алты алаштың әр қайсына алты мың доллар
-3 миллионға дейінгі тұтынушылық несиелерді түгел кешірсе...
-Тіпті болмаса әр қазаққа екі сиырдың құнын төлеп берсе тамаша тарту болар еді. Ал қаланың халқы үшін отыз жылдықтың құрметіне бір жылға коммуналдық төлемдерге 50% жеңілдік жасаса. Әрбір ауылдың 30 көшесіне ауыз су мен жол тартса.....
Міне осындай бір реттік тұрмыстық қажеттілікті өтеп беруге мемлекеттің мүмкіндігі жетеді. Әттең, қандарына ақша араласып кеткен биліктегі сараңдар бар дүниені жоқ деп жылаумен келеді. Аңқау қазақ болмашы тиын-тебенге алданып, өзара қырқысып жатыр. Бұйыртса, Кешегі Тоқаев айтқан 60 мыңға жаға жыртысасыңдар)))) деп нүктесін қойды тәуелсіз журналист.
Осы жолдауда Президент Қ.Тоқаев "орыс тілі Қазақстандағы ресми тіл" дегенді айтты. Адвакат Абзал Құспан бұған келіспейді. Оған заңдық негіз жоқ дейді. Қамшы Кз порталына берген сұхбатында ол «Президент мәлімдемесі орыс тілді ортада "әне, президенттің өзі осылай деді" деп қазақ тілін менсінбеу, үйренуге тырыспау әрекетін үдетуі ықтимал,-дейді.
Заңгер президент мәлімдемесі бүгінгі биліктің Ресейге қаншалықты кіріптар екенін айқын аңғартып тұрғанын айтады.
«Біздің билік бір нәрсені түсінуі қажет. Он жылдан кейін немесе жиырма жылдан кейін Ресей бір жаққа көшіп кетейін деп жатса, онда олардың қас-қабағына қарай тұру керек дегенмен келісер едім. Бірақ Ресей бүгін-ертең құрып кеткелі тұрған ел емес қой. Олармен өмірбақи көрші боламыз. Сондықтан ұлттық мәселемізді шешудің уақыты келді. Иә, президент осылай деуге мәжбүр болып отыр. Бірақ қашанға дейін мәжбүрлікпен жүріп, қашанға дейін Ресейдің қас-қабағын аңдимыз... 30 жыл күттік, енді неше жыл күтуіміз керек... Билік қаз-қалпында отырса, отыра берсін. Енді ел болып, жұрт болып азаматтар мәселені өз қолына алуы керек. Тіл мәселесі Қуат Ахметовтың, Тіл майданы қозғалысының немесе менің жеке басымның мәселесі емес. Ұлттық мәселе, - дейді заңгер.
Негізгі бет Ойын-сауық Жаңа Қорғаныс Министрі Не Былықтырды!
Пікірлер: 664