Бұл видео «Online Mektep» білім платформасының «Жаңашыл мұғалім 2021-2022» республикалық байқауына арналып жасалды. Осы орайда, «Online Mektep» білім платформасының ұжымына алғыс айтамын! Халық игілігі жолындағы ерен еңбектеріңіз үшін ұстаз ретінде басымды иемін!
Өз тәжірибемдегі оқушы бойында функционалдық сауаттылықты қалыптастыру және дамыту үдерісін 7-сынып оқушыларымен ашуға тырыстым. Қазақ тілі пәнінен «Сүт өнімдерінің пайдасы» тақырыбын өту барысында сабақтың басты міндеті: оқушының функционалдық сауаттылығын дамытуға бағытталды. Нысаналы міндет шеңберінде оқушылар сүт құрамының тазалығына тәжірибе жүргізді. Жаңа білімді меңгеруде «Суреттер сөйлейді» әдісі арқылы тапсырмалар орындаса, мәтінмен жұмыс барысында Б.Блум таксономиясының 6 деңгейіне сәйкес логикалық тапсырмаларды орындады. Мәтінді талдау тапсырмаларының басым бөлігі "PISA" халықаралық зерттеу бағдарламасына негізделе құрылды.Үй тапсырмасы «Kahoot» онлайн тест сайты арқылы сұралып, сабақтың бекітілуі «Online Mektep» тапсырмасын орындау арқылы жүзеге асты. Ашық сабақ соңында оқушылар сабақтың оқу мақсатына қол жеткізді, сабақ барысында алған теориялық білімдерін іс- тәжірибеде еркін пайдалана білді.
Негізгі бет Жаңашыл мұғалім 2021-2022 байқауы Айранбаева Жанна Омірбекқызы
Пікірлер: 219