Сөзі: Тілеген Әли,
Әні: Ерекен Қорабаев,
Орындаушы: Әзімхан Адай
....Пір Бекеттің, бекеті....
Мен тұратын мекенді "Өзен" дейді!!!
Өзен!
Өзен!
"Бәріне төзем" дейді!..
Жер-Ананың төсінен шыққан сүтті,
Өзі ембейді әттең-ай, өзі ембейді!..
Өзгерте алмас Өзенді, ешбір ағын!
Өзен!
Өзен!
Басынан кешті бәрін!..
Титығына сәл ғана тиіп кетсең,
Қайта бастап кетеді ескі ұранын!..
"Өзен" десе өлеңді өрлетемін!
Өзен!
Өзен!
Өлмейтін өр мекенім!
Бауыр сенде біліп жүр, бұл Өзеннің,
Мәңгілікке орыны төрде екенін!!!
Өзен жұртын қонақтап, қарсы ала бер!
Өзен!
Өзен!
Әділдік аңсаған Ел!..
Жолың түсіп бұл жерге келер болсаң,
"Адай" күйін толғатып, ән сала кел!!!
Бола берсін жастары тентек кілең!
Өзен!
Өзен!
Тараған, ең тектіден!
Адайлардың о, бастан қанында бар,
Қыз "қашу"-дан қорықпаған, Ер тепкіден!!!
Болмағанмен зәулім үй, кеңселер де!..
Өзен!
Өзен!
Онымен өлшенер ме?!
Ең бастысы ағайын, Өзенге кел,
Қазақ салтын ұғынғың келсе егерде!!!
Тек Өзенді сыртынан даттама Сен!..
Өзен!
Өзен!
Бір қала жатқан әсем!
Ақты айқындай білетін - Ақыныңмын!
Мақтайтындай болмаса, мақтамас-ем!!!
Жер іздесең алысқа кететін, е-е-ң,
Өзен!
Өзен!
Дертіңе ететін Ем!
О, Жолаушым, "ЖЕРҰЙЫҚ" осы жерде,
"Пір Бекеттің түсіп қал, бекетінен!!!"
ТІЛЕГЕН ӘЛИ.
Негізгі бет ЖАҢАӨЗЕН | ӘЗІМХАН АДАЙ | ТЕРМЕ
Пікірлер: 76