Жаңаөзенде алты адамның өліміне әкеп соққан екі қабатты үйдегі жарылысқа кінәлілер жазасыз қалуы мүмкін. Осылай деген марқұмдардың туыстары мен апат болған үйдің тұрғындары бүгін әкімдікке жиналды. Айтуларынша, сәуірден бері тексеріс жүргізген сарапшылар, жарылыс бірінші қабаттағы пәтерде газ жиналудың салдарынан болды деген тоқтамға келген. Осылайша, көршімізді кінәлі етіп шығармақ дейді. Комиссияның бұл шешіміне түбегейлі қарсы үй тұрғындары қайта тексеріс жүргізуді талап етеді. Себебі, жер астына көмілген газ құбырында жарық бар екенін өз көзімізбен көрдік дейді. Ал әкімдіктегілер болса мамандардың көгілдір отынның жертөлеге қалай жиналғанын әлі толық анықтамағанын айтады.
Жаңаөзен әкімдігіне жиналған халық бірауыздан жарылыс себебін зерттеген сарапшылардың қорытындысын жоққа шығарып, тексерісті қайта жүргізуді талап етті. Өйткені екі айға жуық сараптама жүргізген екі компанияның да шешімі қисынсыз дейді. Жиналғандардың айтуынша, мамандар бірінші қабатта орналасқан нөмірі 7-пәтерде газ ашық қалған, ал иесі жарықты қосқанда жарылыс болды деген тоқтамға келген. Алайда мұнымен келіспейміз, дүмпу жертөледен болды дейді. Ал күдікке ілінген пәтер иесінің денесін 46 пайызға күйік шалған. Азамат болған оқиғаны былай түсіндірді.
БАЙМАҒАМБЕТ ДОСҚАРИН, Жаңаөзен қаласының тұрғыны:
- Мен тамақты обедте жеймін, кешке қарай бір жеймін болды. Газ дейтін бізде жабық тұрады постоянно, менен басқа ешкім тұрмайды ол үйде. Ауыз бекітерде таңертең тұрып туалетке бара жатқанда жарылған зат қой сағат 4-тен кеткенде.+ Біздің үйден газ кетті дейді. Қалай ол біздің үйден газ кетеді? Газ кететін болса мен өліп қалмаймын ба мысалы ең бірінші очередь. Жарылса біздің үй жарылмай ма?
Жиналғандар апатқа көршіміздің кінәлі болуы мүмкін емес дейді. Айтуларынша, жарылыс болардан бір апта бұрын жұмысшылар келіп су құбырын ауыстырған. Сол кезде газ құбырына зақым келтірген болуы мүмкін деп топшалайды.
НҰРЛАН ИСАТАЕВ, Жаңаөзен қаласының тұрғыны:
- Жер астын қазған. Қазғанда құбыр шықты үлкен 560-тық миллиметрлік. Оның астын қазса кішкентай 50-лік труба жатыр он есе кішкентай труба ғой. Он есе кішкентай трубаның үстінен үлкен трубаны алған да сала салған. Ол қасқа деген салмақпен езіп жіберген ол жарылып кеткен.
Бұл марқұм Серік Исатаевтың жарылыстан 5 күн бұрын түсірген видеосы. Туыстары ағамыз ажалы осы газ жарылысынан болатынын білгендей қайта-қайта ескертіп еді, бірақ ешкім құлақ аспады деп отыр. Ал жарылыс болған сәт көше бойындағы дүкеннің бейнебақылау камерасына түсіп қалған. Видеодан алдымен пәтерлердің бірінен қызыл жалын шығып, артынша жертөледен жарылыс болғанын байқауға болады. Ал әкімдіктегілер тергеудің әлі аяқталмағанын айтып отыр.
ЖАНСЕЙІТ ҚАЙНАРБАЕВ, Жаңаөзен қаласы әкімінің орынбасары:
- Ол кісілердің алдын ала болжамдары бойынша жертөлеге жинақталған газ. Жертөлеге жинақтау арқылы құбыр мұржалары арқылы канализацияның мұржалары арқылы жоғарғы этаждарға газ жинақталған дейтін қорытынды бар. Үйдің жарығын қосқан кезде осындай жарылыс болғаны анықталып отыр. Бірақ енді құрылыс орнынан орын алған газ бен үйдің арасындағы қатынасын таба алмады.
Енді әкімдік тұрғындардың наразылығына байланысты Астанадан дербес сараптама орталығын шақыртыпты. Сондай-ақ, Төтенше жағдайлар министрлігіне де хат жолдаған.
.
.
.
.
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
Наши сайты: www.31.kz и www.informburo.kz
Наш WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал
Негізгі бет Жаңаөзенде 6 адамның өліміне әкеп соққан жарылысқа кінәлілер жазасыз қалуы мүмкін
Пікірлер: 1