14 сәуір Көктал ауылдық кітапханасының ұйымдастыруымен А.Байтұрсыновтың 150 жылдығына орай "Қазақ санасының шамшырағы" атты әдеби кеш өтті.
Ахмет Байтұрсынов - ақын, әдебиет зерттеуші ғалым, түркітанушы, публицист, педагог, аудармашы, қоғам қайраткері. Ол 1873 жылы 18 қаңтарда қазіргі Қостанай облысының Торғай өңіріндегі Сартүбек деген жерде дүниеге келген. 1884 ж. Орынбордағы мұғалімдер мектебін бітірген. 1895 - 1909 ж. Ақтобе, Қостанай, Қарқаралы уездеріндегі мектептер мен орыс- қазақ училищерінде мұғалімдік қызмет атқарады. Байтұрсыновтың қазақ әдебиеттану ғылымы мен әдебиет тарихы жөніндегі тұңғыш еңбегі « Әдебиет танытқыш» (1926). Байтұрсынов тілші ғалым ретінде қазақ тілінің табиғаты, араб әліпбиінің жайы, терминдер, қазақ тілінің мәселелері туралы мақалалар жазған.
Ахмет Байтұрсынов қазақ тілінің реформаторы, теоретигі әрі қазақ тіл білімінің атасы. Ол араб әріптерінің негізінде қазақтың төл әліпбиін жасады. Өзінің "Оқу құралы" (1912), "Тіл құралы" (1914), "Әліпби" (1924), "Жаңа әліпби" (1926) атты кітаптарында қазақ тілінің мәселелерін қарастырды. Қазақ тіл білімінде терминдер қалыптастырды. Қазақ тілі грамматикасындағы ұғымдарға анықтамалар берді.
Шараға Д.Қонаев атындағы орта мектептің 8 "А" сынып оқушылары мен ұстаздары қатысып, жасөспірімдер Байтұрсыновтың өлеңдерін жатқа оқып, өзерінің мәліметтерімен бөлісті.
Мақсаты: А.Байтұрсынұлының өмір жолы мен шығармашылығымен, қызмет жолымен таныстыру.Ақын өмірін оқушыларға үлгі ете отырып, өз елін сүюге, оның көркеюіне үлес қосуға тәрбиелеу.
Шараға 15 адам қатысты
Негізгі бет А.Байтұрсыновқа 150 жыл
Пікірлер