Говь-Алтай аймгийн Дэлгэр сумын харьяат, Төр нийгмийн нэрт зүтгэлтэн Гэндэнсамбуугийн Зуунай агсаны үг, Монгол улсын төрийн соёрхолт хөгжмийн зохиолч Цогзолын Нацагдорж агсаны аялгуу, МУГЖ дуучин А.Дашпэлжээгийн дуулсан Нутгийн чулуу дууг хүлээн авч сонсоно уу.
Тарлан хайрханы бараа нь ээ
Талын зэрэглээнд зүмбэрлээд
Тайгам нуурын хөвөө нь ээ
тэнгэрийн хээлэнд цайвалзаад
Ай хө, авч гарсан чулуу минь алганд хөлрөөд байхымаа
Ай хө, нутгаа би санав уу, нутаг минь намайгаа санав уу?
Алтан говын хаялага нь ээ
Аргалантын оройд сүүмэлзээд
Аараг толгодын тэртээгээс
Айлын утаа суунаглаад
Ай хө, авч гарсан чулуу минь алганд хөлрөөд байхымаа
Ай хө, нутгаа би санав уу, нутаг минь намайгаа санав уу?
Сэрхийн цэнхэр нуруундаа
Сэмжин үүлс ээнэгшээд
Сэрсэн ч унтсан ч чимээлээд
Сэтгэл сэлгэн сэвэлзээд
Ай хө, авч гарсан чулуу минь алганд хөлрөөд байхымаа
Ай хө, нутгаа би санав уу, нутаг минь намайгаа санав уу?
Негізгі бет А.Дашпэлжээ /МУГЖ/ - Нутгийн чулуу | A.Dashpeljee - Nutgiin chuluu
Пікірлер: 6