Қазақстанда аяқ киімдерді таңбалау басталмай жатып, тауар бағасы күрт көтерілген. Қазірдің өзінде сатушылар сауда сөрелеріндегі етіктердің әрқайсысына кем дегенде 5 мың теңге қосқан. Айта кетейік, индустрия министрлігі аяқ киімдерді цифрлы таңбасыз өндіруге және шетелден тасымалдауға 1-ші қарашадан бастап тыйым салды. Дегенмен, сатушылар мен кәсіпкерлер жаңа талап аяқ киім бағасының өсуіне әкеліп, кедендік рәсімдеуде сыбайластыққа соқтыруы мүмкін дейді. Өйткені үлкен-үлкен қоймаларда кезекке тұрып, мыңдаған аяқ киімді таңбалап шығу қосымша уақыт пен еңбекті талап етеді. Ал оның тауардың өзіндік құнына міндетті түрде әсері болады деп отыр.
Қалың қауым қысқа қамданып қойған соң болар бүгінде ішкі нарықта аяқ киімге деген сұраныс күрт төмендеп кеткен. Базарлар мен сауда орындарында сатып алушылар өте сирек. Саудагерлер таңбалау міндеттелгенге дейін әкелінген тауарларын сатып жатыр. Бірақ соған қарамастан, тұтынушылар биыл аяқ киім бағасы әлдеқайда қымбаттағанын айтады.
Ал кәсіпкерлердің өздері министрліктің тауар таңбасын енгізуі бағаны тіптен аспандатып жіберуі әбден мүмкін дейді. Айтуларынша, қоймалардағы мыңдаған тауарды таңбалап, оны жүйеге енгізу үшін қосымша адам жалдау керек. Ал оның еңбек ақысын төлеу үшін тауардың да құнын көтереміз дейді. Саудаға арналған қосымша құрылғыларды сатып алу да қосымша шығын екенін айтады.
ЖАНАР ҚАРАМЕНОВА, сатушы:
- Ол біз сияқты қарапайым халықтың, сатушылардың пайдасына жүрмейді. Себебі, кассовый аппарат сатып аламыз, оның іс-қағаздары бар, оны төлейміз, біздің барлық еңбегімізді ол ешқандай өтемейді. Қарапайым халыққа, бүкіл халыққа жаман әсерін береді.
Кәсіпкерлер мен сатушылар өзгеріс енгізілгенімен, жаңа талапты тәптіштеп түсіндіру үшін төбе көрсеткен бір жанды көрмедік деп налиды. Министрліктің тауарды таңбалау қажет деген жаңа талабы нені меңзейтінін де білмейміз деп отыр.
МАУСЫМ ШӘКІМ, кәсіпкер:
- Бірден қыспаққа алып бірден өзгеріс жасау тек мен үшін емес, басқа да сатып алушылар мен тұтынушылардың арасында үлкен ауыртпашылық тудырады.
Кәсіпкерлердің уайымына айналған бұл мәселеге қатысты жауапты министрлік тек алдағы күндері түсінік беретін болды. Бір анығы, аталған өзгеріс аяқ киім саудасындағы көлеңкелі бизнесті жоюға бағытталған. Кедендік рәсімдеуден сырт айналып келетін тауарлар арзан әрі сапасыз. Сондықтан бұндай бұйымдардың нарыққа шығуына тосқауыл қою керек дейді өндірушілер.
ЕРБОЛАТ САРИЕВ, «Оңтүстік» арнайы экономикалық аймағы басқарма төрағасының орынбасары:
- Осы олқылықтарды болдырмау мақсатында және отандық өндірушілердің бәсекелестігін арттыру мақсатында осы жаңа механизм енгізіліп отыр. Механизмнің жүзеге асуы толық электронды форматқа көшірілген.
Ал әзірге қоймада қалып қойған тауар таңбасы енгізілмеген аяқ киімдердің ішкі нарықта сатылуына алдағы жылдың 1-ші сәуіріне дейін рұқсат бар. Ал одан әрі талап үшін таңбаланған бұйымдардың бағасы күрт көтерілетініне кәсіпкерлер мен сатушылар сенімді.
.
.
.
.
Бізді әлеуметтік желіде оқыңыздар:
KZitem - / @informburo31kanal
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
#информбюро #басты_жаңалықтар #Ақиқатын_Айтайық
Негізгі бет Аяқ-киімдерді таңбалау басталмай жатып, Қазақстанда тауар бағасы күрт көтерілді
Пікірлер: 55