A Man’s A Man For A That - by Robert Burns (1795)
Video by Dylan Drummond - www.sonofthesea.co.uk
Speakers
Ian Coleman, Dylan Drummond, Wanda McGregor, Mark Richardson, Jacqui Turrif, John Hayes, Neil Paterson, Hannah Maria clark, Lynne Martin, Bharti Rajput.
Locations:
Speedwell Bank Bar, St Andrews, Macbeth Stone, Tay Rail Bridge, Pittenweem, Arbroath Abbey, Alyth Arms Hotel, Balhousie Care, Broughty Ferry Beach, Falkland Estate.
Camera Operators:
Dylan Drummond
Tammy Shaw
Text of Poem available at The Scottish Poetry Library:
Is there for honest Poverty
That hings his head, an’ a’ that;
The coward-slave, we pass him by,
We dare be poor for a’ that!
For a’ that, an’ a’ that.
Our toils obscure an’ a’ that,
The rank is but the guinea’s stamp,
The Man’s the gowd for a’ that.
What though on hamely fare we dine,
Wear hoddin grey, an’ a that;
Gie fools their silks, and knaves their wine;
A Man’s a Man for a’ that:
For a’ that, and a’ that,
Their tinsel show, an’ a’ that;
The honest man, tho’ e’er sae poor,
Is king o’ men for a’ that.
Ye see yon birkie ca’d a lord,
Wha struts, an’ stares, an’ a’ that,
Tho’ hundreds worship at his word,
He’s but a coof for a’ that.
For a’ that, an’ a’ that,
His ribband, star, an’ a’ that,
The man o’ independent mind,
He looks an’ laughs at a’ that.
A Prince can mak a belted knight,
A marquis, duke, an’ a’ that!
But an honest man’s aboon his might -
Guid faith, he mauna fa’ that!
For a’ that, an’ a’ that,
Their dignities, an’ a’ that,
The pith o’ Sense an’ pride o’ Worth
Are higher rank than a’ that.
Then let us pray that come it may,
As come it will for a’ that,
That Sense and Worth, o’er a’ the earth
Shall bear the gree an’ a’ that.
For a’ that, an’ a’ that,
It’s comin yet for a’ that,
That Man to Man the warld o’er
Shall brithers be for a’ that.
Camera: Canon C70
Lenses: Zeiss Otus 50mm
Негізгі бет A Man’s A Man For A That - by Robert Burns (1795)
No video
Пікірлер: 1