Nitong nakaraang Setyembre 2, 2022, idinaos ang Arya-aryahan Street Dance Parade sa City of San Jose Del Monte, Bulacan. Naglaban laban dito ang walong barangay mula sa nasabing lungsod upang ibandera ang kani kaniyang makukulay na kultura sa pamamagitan ng pagsayaw. Sa gitna ng pagbuhos ng ulan, hindi nagpatinag ang mamamayang San Joseño sa pagpapamalas ng talento at husay sa pag-indak sa pagdiriwang ng Tanglawan Festival.
Ayon sa City Tourism Office, ang kapistahang ito ay ipinagdiriwang upang sariwain ang pagiging lungsod ng San Jose del Monte; mula sa pagiging isang payak na bayan hanggang ito ay maging isang papaunlad na lungsod na sa panahong ito.
Ang “tanglawan” o “ilaw” diumano ay tumutukoy sa ilaw na gumagabay sa bawat San Joseño tungo sa pagkakaroon ng maunlad na lungsod. Nilalayon ng festival na ito na i-promote ang CSJDM bilang isa sa mga “premier” na lungsod ng Bulacan at ng buong Central Luzon. Ipinakikita rin dito ang makulay na trafisyon, kultura, kasaysayan at talento ng mga San Joseño na kanilang iniaalay kay San Jose, ang patrong santo ng lungsod.
Isang malaking hiling na bawat San Joseño ay makiisa sa pagdiriwang na ito na ngayong taon ay gaganapin sa buong unang linggo ng buwan ng Setyembre. Iba-iba man ang pinagmulan, lahat ay inaaanyayahan na makisaya at sumaksi sa pagbibigay pugay sa nayan nating mahal at kay San Jose!
Source:
/ 2373805649553521
Негізгі бет Ойын-сауық A Minute of TANGLAWAN FESTIVAL (WATCH IN 4K)
Пікірлер: 4