قصيدة / مشعل الخير
اسرجت لجزال القصيد التعابير
ونوخت في روض الفرايد رحاله
وعديتها روس السروات والنير
واطلقت .. لعنان الرهاوي خياله
شاعر .. واكفي عن حضور الشواعير
وإن ثقلوا حمله عليه .. ارتكاله
اوقف .. ولالي عن وقوفي معاذير
وامدح ولالي في مديحي جماله
من صادق احساس ومحبه وتقدير
أحمل من الشعب الكويتي رساله
للي حضوره غير ومواجهه غير
ومن حسن حظي يوم اوقف قباله
شيخ الشيوخ .. مسطر المجد تسطير
قرمٍ .. تفــرد بالمــزايا لحالــه
خصايله تطغى على كل تعبــير
لو امدحه.. وشلون اعدد خصاله
إن جيت اوثق سيرته بالحذافير
كني غرفت من البحر بالبياله
حتى ولو يظهر من المدح تقصير
نقص المديح بسيدي .. من كماله
رمز البلد وجه السعد والتباشير
راس الهرم تاج الكرم والعداله
ستر العفاف الفارعات الغنادير
الضافــي اللي ظلنا من ظلاله
ابو طلال مسخر الصعب .. تسخير
نوخ على روس المعالي جماله
سليل حكام الصباح المناعير
ســلالةٍ .. ياطيـــبها من سـلاله
ياضلعنا النايف بوجه المعاصير
ياتاج راس الشعب .. ياراس ماله
يا ذخر ربعك في الليال المعاسير
يافخرهم .. في منهجه واعتداله
ياطهر قدم توطى على القاع وتسير
ياصفوة اصحاب السمو والجلاله
اللي تبيه يصير بإذن الله يصير
لجلك .. تصير المستحيله سهاله
دونك رجال ماتحسب المخاسير
واحدهــم اردى مايقــدم عيـاله
نمشي معك وبطاعتك دون تفكير
شعبن فدا لارضه وعرضه وماله
قدنا على حد السحاب المزابير
وإحمل بنا مالا يطاق احتماله
خل اصغر احلامك على اقل تقدير
لمس الطموح اللي بعيدن مناله
بقيادتك .. تقصر طوال المشاوير
وبعزومنا .. ما في الصعاب استحـاله
وبجهودنا .. نصنع حضاره وتطوير
ونعيش والنا في سما المجد هاله
مجدن يدون بالقصص والاساطير
يِضْرَب على قــو العـــزايم مثاله
تاريخنا حافل ولا فيـه تــزوير
مرجع مفاهيم الفخر والاصاله
واميرنا ماهوب حي الله امير
سيف بوجه اهل الفتن والظلاله
يقطع طريق المنحرف والمعيثير
لا شط عقل المنهبل من هباله
ينوخه كنه منوخ له بعير
و يعَــقّــله ولا تحــرك عقــاله
هذا الوطن وان كان بحدوده صغير
تمطر على كل البسيطــه خيـــاله
نذر عليـــنا لــو تــدور المقادير
نموت مانرخص شبر من رمــاله
نورد على حوض المنايا طوابير
ومن مات من دون الوطن طاب فالـه
هذي بلاد الخير يامشعل الخيــر
متْجَــلّيـة مثــل البــدر باكتماله
من دونها حد السيوف الشواطير
واللي دنا منها … دنا مــن زوالــه
ان ما وفينا لجلها مابنا خيــر
يشهد على الشعب الكويتي نضاله
خل الكلام اللي يجي دون تبرير
وإخذ الصحيح اللّــي عليه الكفاله
لولا العداله تستباح المحاذير
ولولا المشوره..تستبد الجهاله
وان طالت الفتنه شعوب وجماهير
تمسي على حاله وتصبح بحاله
تنهش بها وتدمر الارض تدمير
وتفـــنا الديار العــامره لامحــاله
عشنا وشفنا واتعضنا من الغير
والنا من الواقع شهود ودلاله
الحلم يثمر بالوجيه المسافير
الــحـزم يفرض هيبته من رجاله
لو مايكون لرادع الحكم تأثــير
كٰـلٍ بيفــعل في البــلد ما بداله
وان ربعوا فيها عبيد الدنانير
من صادها .. عشى عليها عيــاله
#الشاعر_حامد_زيد
#الكويت
#مشعل_الاحمد
Негізгі бет A poem by the poet Hamed Zaid in front of His Highness Sheikh Mishal Al-Ahmad, Prince of Kuwait HD
Пікірлер: 18