🔰 Бүгін орталық базасында ерекше форматтағы фестиваль өтті. Шараның басты қонақтары - өңірімізде ЭКО әдісімен өмірге келген бүлдіршіндер.
✅ Мыңдаған отбасының үмітін жалғап, ата-ананың басты тілегін орындауға сеп болып жүрген «Эко МЕД» клиникалар желісінің елімізде ашылғанына - 30 жыл. Айтулы датаға орай, «Анаға тағзым» орталығында жанға жылулық, бүлдіршіндерге қуаныш сыйлайтын фестиваль ұйымдастырылды. Мерекелік жиынға «Экомед» клиникалар тобы және «NGC» Халықаралық репродукция орталығының негізін қалаушы әрі бас директоры Батыр Бекмұсаев пен профессор, қазақстандық алғашқы ЭКО әдісімен ұрықтанған нәрестенің авторы, «Құрмет» орденінің иегері Салтанат Байқошқарова арнайы қатысты.
Жалпы, отыз жылға жуық уақытта жасанды ұрықтандыру әдісімен елімізде 30 мыңнан аса нәресте өмір есігін ашқан. Ал, Мемлекет басшысының қолдауымен жүзеге асқан «Аңсаған сәби» бағдарламасы аясында «Эко Мед» орталығы 3 жылда 7 мыңнан аса сәбидің дүниеге келуіне ықпал еткен. Фестивальде алтын қолды дәрігер Салтанат Берденқызы мен Батыр Қаратайұлы кішкентай бүлдіршіндердің тұсауын кесіп, алғашқы қадамдарына ақ батасын берді. Сонымен қатар, ата-аналар мен балғындардың көңіл күйін көтеріп, керемет әсер сыйлау мақсатында интеллектуалды ойындар, шоу бағдарлама мен фуршет ұйымдастырылды.
📌 Айтпақшы, дәстүр бойынша Салтанат Байқошқаровамен «Bir tolqynda» сұхбат өрбіттік. «Аңсаған сәби» бағдарламасының квотасына кімдер қол жеткізе алады, қыз балалардың тұрмыс құруына ең қолайлы уақыт және ЭКО-мен өмірге келген балаларға қатысты маңызды жайттар сөз болды. Алдағы уақытта ресми парақшаларымыз бен «KZitem» каналымызда бөлісеміз.
Негізгі бет АҢСАҒАН СӘБИ FEST
Пікірлер