ندر پہ گودی ماہ رنگ بلوچ نام
توار : میر احمد بلوچ
شاعر : مرید بلوچ
Dedicated To Mahrang Baloch
Mir Ahmed Baloch
Mureed Baloch
ڈکال نے آ تمیپ اچ نے آ تہاری بف اسل
نے آ مرے صدخہ ہتم نا ڈس خزاں تو مف اسل
ہر رنگ ئٹی نا رنگ مرے رنگاک نے آ چٹرک
توشاک نے آ تمیپس گوشاک نے آ چٹرک
بادوفرآن نا فکر ئنا کور آک تینکے خن الیر
استاک پڷر نت تے نا رژناک نے آ چٹرک
طواف کیرک استے نا چم چال و لاڈ آتا پریک
حسن و ادا نازآتا کل دنیاک نے آ چٹرک
نی عشقنا چٹ آخری منزل مریس ایتس گروشک
نے آن اینگ الپ ہچ نظر سوچاک نے آ چٹرک
ہر ڈوک وخل ہر بوچے تے نا خؤش آ گند کیف و سرور
عود آک نے آن گند الیر عطرآک نے آ چٹرک
او خوش انگ او خوش نظر او خوش لباس او خوش خِرام
جھمک مرادآتا شلر نا کاٹم آ ساتو مدام
شالہ مرے نا بخت ئٹی راجی آ دڑد آتا علاج
چلتن نا تخت آ تولسک بشخس نی آجوئی نا جام
شوشنگ کنول ام نرگساک نے آن بلسم وام کیر
گواڑخ مدو سوسنک پھل نیتو مریرک ہم کلام
عشق و محبت حسن ء نا افرودیتی ایمان اتے
اولگا ،ٹرائے نا ہیلن بس نا مریرک پھل غلام
ارمانی آ دا ڈیہہ ئنا ہر زرہ نیکن کے دعا
ارمانک نا زندہ سلر ورنائی آ نا تمپ شام
خوشی نا زمرد لخٹی نا بولانی و جلوہ خلے
مشتا پری ئس پست ء نا لکھ مہر ئٹی شیشہ خلے
نے آ اسل کپس اثر وختاتا یخ و باسنیک
دا زیبلا َمش تا وڑٹ نا زیبلا چہرہ خلے
پھلاک ھِش ھِش کیر نا نازرکی و زیبائی آ
نا حوصلہ تا سختی تو خیصار گپ قصہ خلے
ساندہ مرے نا زکر پھل ہر ہر نوشت اٹ زندہ غا
نا کوچہ ٹی ہر دور ئنا شاعر برے مورچہ خلے
ٹپی آ تینا دؤ تیٹی سینگار کے نے نا مرید
سلے نے شاد و پاڷ ئٹی ارمان تا نے سرمہ خلے
#newsong #mirahmedbaloch #balochistan #mahrangbaloch
Негізгі бет A Song Dedicated To Mahrang Baloch | Singer Mir Ahmed Baloch | Lyricist Mureed Baloch
Пікірлер: 15