Талдықорған қаласы әкімдігі қызметкерлерінің де басы дауға қалды. Өйткені, өзара бас қосқан бірнеше шенеунік қоғамдық орындардың бірінде жиналған. Жиынның соңы шуға айналыпты. Себебі, сол отырыста болған құрылыс бөлімінің басшысы көшенің қақ ортасында әйелін ұрып, қызметтік көлікке ішімдік ішкен күйінде отырып, полицейлерге ұсталды.
Видеода әйелін ұрып жатқан Талдықорған қалалық құрылыс бөлімінің басшысы. Бұл ақпаратты әкімдіктің өзі растады.
НҰР ҚАНАТҰЛЫ, Талдықорған қаласы әкімінің баспасөз хатшысы:
- Видеодағы болған жанжал жаңағы әйелімен болған жанжал. Ол біздің Талдықорған қаласы әкімдігінің құрылыс бөлімінің басшысы. Ішімдік ішіп алып, служебный машинаға отырып, айдағаны. Ол факті нақты тіркелген полицияда.
Ал жазба авторы шенеуніктің полицияға ұсталғанын, сараптамаға барғанын барлығын түсірген. Сондай-ақ, бұл кадларда Талдықорған қаласы әкімінің орынбасарының да жүргенін анық көруге болады.
ҚАЙРАТ АБДРАХМАН, Блогер:
- Үш машинаны көрдік служебный автомобильді. 068, 073, біреуі хюндай, біреуі киа, арасында нетіп жүрген камри 50, 073 қой деймін. Мен естіп қалдым, ты зачем жену свою бьешь деп?! Постановление бойынша караоке барлар істемеу керек қой.
Расымен қаулыға сәйкес Талдықорғанда караокелердің жұмыс істеуіне рұқсат жоқ.
САМАЛ ҚАБЫШЕВА, Тілші:
- Даулы видеоға түскен әкімдік қызметкерлері дәл осы рестобарда отырған. Міне өздеріңіз көріп тұрсыздар, бұл жер тіпті іске де қосылмаған. Үстел де қойылмаған. Міне залдағы жағдайдың жай-күйі міне осы. Вип кабиналарда жөндеу жұмыстары жүргізіліп жатыр. Бұл жерде бір вип кабина жұмыс істейді екен. Мұндағылардың сөзінше, әкімдік қызметкерлері дәл осы жерде отырған.
Бір ай бұрын ғана дәл осы мекемеге карантин талаптарының орындалмауына байланысты 670 мың теңге айыппұл салыныпты. Ал даулы видеодағы шенеуніктерге қатысты қызметтік тексеру жүріп жатыр. 30 жастағы құрылыс бөлімінің басшысы жұмыстан уақытша шеттетіліпті. Және ол жеті жылға дейін көлік жүргізу құралынан айырылуы мүмкін.
Бізді әлеуметтік желіде оқыңыздар:
KZitem - / @informburo31kanal
Facebook - / informburo31
Instagram - / informburo31
Vkontakte - vk.com/informb...
TikTok - www.tiktok.com/@informburo31
WhatsApp Информбюро +7 777 331 31 31
#Талдықорған #карантин #шенділер
Негізгі бет Ащы суға тойып алып, көшеде әйелін сабаған шенеунік жұмыстан шеттетілді
Пікірлер: 95