#وردة_الجزائرية #عايزه_معجزه
كلمات الشاعر الغنائي الرقيق عبد الوهاب محمد
ألحان عبقري النغم الموسيقار بليغ حمدي
غناء مطربة الأجيال وردة
******
مين دا اللي ياخدني منك وللا يبعدني عنك
مين هو مين مين بس مين
دا هواك يا نور عنيَ وعد و مكتوب علي
ومسطر عالجبين آه ياعيني ومسطر عالجبين
والناس مستغربين على إيه مستغربين على إيه
دا هواك يا نور عني وعد و مكتوب علي
ومسطر عالجبين آه ياروحي ومسطر عالجبين
حالة فيها استحالة ماتفسرهاش قوالة ولا شكوى ولا أنين
أنا عايزة معجزة تنجدني من الحنين
أنا عايزة معجزة اكبر من السنين
وأقوى منك ومني والعالم أجمعين العالم أجمعين
يا كل المنى يا روحي أنا
أنا كنت فاكرة بعدي حخفف نار عواطفي
وللا الزمان حيمحي اسمك من بين شفايفي
أتاري البعد عنك خلاني حتة منك
والناس مستغربين على إيه مستغربين على إيه
دا هواك في قلبي و لا شيء بيغيرو
لا الهجرة ولا السفر ولا تلوين السهر
ولا تغير الهوى و لا حب اتصورو
لا هي الحكاية بعدك ولا هي الحكاية قربك
دا أنا في الحالتين بحبك و بدوب لهفة و حنين
أنا بتحدى الوجود كل اللي في الوجود
إني يقيموا بخيالي بيني و بينك حدود
والناس مستغربين على إيه مستغربين على إيه
دا هواك يا نور عني وعد و مكتوب علي
ومسطر عالجبين آه ياروحي ومسطر عالجبين
حالة فيها استحالة ماتفسرهاش قوالة ولا شكوى ولا أنين
أنا عايزة معجزة تنجدني من الحنين
أنا عايزة معجزة اكبر من السنين
وأقوى منك ومني والعالم أجمعين العالم أجمعين
ايه بعد الحب ايه ماحنا منو يا ناس وإليه
دا مفيش في الدنيا حاجة ممكن تقدر عليه
ايه مين يقدر عليه
مين قلبه في يديه مين دا هو قولوا لي عليه
دا مفيش في الدنيا عاشق غير بخته بإيديه
و أنا وانت حكاية حلوة للقسمة و النصيب
مفيهاش جديد ياروحي ولا فيها شيء عجيب
بس الحب الحقيقي الايام دي شي غريب
والناس مستغربين على إيه مستغربين على إيه
دا هواك في قلبي و لا شيء بيغيرو
لا الهجرة ولا السفر ولا تلوين السهر
ولا تغير الهوى ولا حب اتصورو
لا هي الحكاية بعدك ولا هي الحكاية قربك
دا أنا في الحالتين بحبك و بدوب لهفة و حنين
أنا بتحدى الوجود كل اللي في الوجود
إني يقيموا بخيالي بيني و بينك حدود
والناس مستغربين على إيه مستغربين على إيه
دا هواك يا نور عني وعد و مكتوب علي
ومسطر عالجبين آه ياروحي ومسطر عالجبين
حالة فيها استحالة ماتفسرهاش قوالة ولا شكوى ولا أنين
أنا عايزة معجزة تنقدي من اللي فات
أنا عايزة معجزة تمحي لي الذكريات
ما احنا في زمن ياعالم مفيهش معجزات
******
Негізгі бет Aayza Moujizah - Warda 💕🌹 عايزة معجزة - وردة
No video
Пікірлер: 36