Ang bawat pagsambit natin ng Aba Ginoong Maria ay pagsasariwa sa kagalakang hatid ng mabuting balita ng anghel sa ating mahal na ina. Kahanga-hangang tunay ang katatagan at kababaang-loob ni Maria na tanggapin ang hamon ng pagiging ina ng Diyos sa kabila ng mga panganib na maaaring niyang suungin. Ang pagiging mapalad ng ating mahal na ina ay nagmumula sa kanyang pagtitiwala sa Diyos na bukal ng biyaya.
Nawa sa bawat pagsambit natin ng panalanging ito, sumilang sa ating mga puso ang kababaang loob na makita ang biyaya ng Diyos sa kabila ng mga panganib na ating nararanasan sa kasalukuyan. Nawa katulad ni Maria, masambit din natin ang FIAT na magmahal at maglingkod sa ating kapwa.
Aba Ginoong Maria, napupuno ka ng grasya, ilapit mo kaming lagi kay Hesus .
Aba Ginoong Maria, sa bingit ng kamatayan, hawakan mo ang aming kamay at samahan mo kami sa buhay na walang hanggan.
================
“Aba, Ginoong Maria”
Himig at pagsasaayos ni Paulo K Tiról
#hangad2021 #hangad30
Негізгі бет Aba, Ginoong Maria
Пікірлер: 2