Ақтөбеде жантүршігерлік оқиға. 16 жастағы оқушы қыз туған анасын өлтірді деген күдікке ілініп отыр. Жеткіншекпен бірге "қылмысқа қатысы болуы мүмкін" деп 19 жастағы досы да ұсталып, екеуі тергеу изоляторына қамалды. Бұл жағдайға сене алмай отырғандарын айтқан қыз бала оқитын кешкі мектеп ұстаздары жеткіншектен "оғаш қылық көрмеп едік" дейді.
Қайғылы оқиға болған пәтердің есігіне қазір құлып салынып, мөр басылған қағазбен таңбаланған. Көршілері бұл үйде қыздың тек анасы екеуі тұрғанын айтады. Бірақ, екеуінің қарым-қатынасы жақсы емес еді дейді. Сөздерінше, пәтерден күнде айғайлаған дауыстар естіліп, оларға талай рет тыныштық сақтауын ескерткен екен. Алайда, соңғы жанжалдың не үшін шыққанын, жасөспірім қыздың өз анасын қалай өлтіріп алғанын әзірге ешкім білмейді.
КӨРШІСІ:
- Қасындағы көрші постоянно айтады, "постоянно у-шу, айқай-хайвай" деп үйінде. Потому что, жардан бәрі естіледі. Сол күні де айқайласты деді. Шығып айтқан, "тынышталыңдар, балам ұйықтап жатыр" деп. Ол жағдай түнде болды.
Күдікке ілінген 19 жастағы жасөспірім ұл қаладағы коллеждің бірінің студенті болып шықты. Ал қыз оқыған кешкі мектептің ұстаздары "оқушыдан оғаш қылық байқамадық" дейді. Айтуларынша, психологиялық жағдайы да қалыпты болған. 16 жастағы оқушы қыз тек төрт класты ғана бітірген екен. Бесінші сыныпқа осы мектепке, жаңа оқу жылында қабылданыпты. Ұстаздар қыздың тәртібі жақсы болғанымен, оқу үлгерімі төмен болды дейді. Оның төлқұжатын да білім ошағына қабылданғаннан кейін жасап бердік деп отыр.
АИДА ЖҮСІПОВА, педагог-психолог:
- Бесінші сыныптың оқушысы. Тәртібі жақсы. Аз қамтылған, толық емес отбасы болды. Анасымен тәрбиеленіп, бірге тұратын. Жас ерекшелігіне байланысты оқу үлгерімі шамалы қиындау болып жүрді. Ата-анасын көргесін, естігесін өзімізде терең күйзеліске түсіп кеттік шыны керек.
Ал Ақтөбе облысының Полиция департаменті "адам өлтірді" деген күдікпен екі жасөспірімнің уақытша ұстау изоляторына қамалғанын растады. Қазір тергеу амалдары жүріп, қылмыстың мән-жайы анықталып жатыр.
Жанар Қожанова, Жомарт Құдайбергенов
Бізді әлеуметтік желіде оқыңыздар:
KZitem - / @informburo31kanal
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
#қанды_қылмыс #Ақтөбе
Негізгі бет Адам сенгісіз жағдай! Ақтөбелік 16 жастағы оқушы қыз туған анасын өлтірді деп күдікке ілінді
Пікірлер: 55