Bəstə: İlqar Kərimov
Söz: Tehran Əkbər
-----MAHNININ SÖZLƏRİ------
Nəyim vardı dünənimdən,
Keçmişimə nəzər saldım.
O sevincli günlərimdən
Bu günə xatirə qaldı.
Yenə uşaq olaydım kaş,
O günlərdə qalaydım kaş
Öpüb qara tellərindən,
Anama sarılaydım kaş.
Nəqarat
O illər, qəlbimdə
Yığılıb varaq varaq,
Nə qədər mən varam,
O anlar yaşayacaq
Mən tələsdim yoxsa illər,
Cavanlığım harda qaldı.
Yoxsa onu da fəsillər,
Uşaqlıq tək tora saldı ?..
Xatirəyə döndü ömür,
Hər gün bir az söndü ömür
Acı günlər yaşatsa da
Yenə də şirindi ömür.
Xoş günlərim, xoş anlarım,
O qayğısız zamanlarım.
Yaddaşımda olanlarım
Bir ömürlük xatirədir.
2
Bu ömür, gün də mənimdi,
Hər ötən gün dünənimdi,
Bu günümə gəlib çatdım
Dünənə həsrətəm indi.
Saçlarıma düşən hər dən,
Xəbər verir ötənlərdən.
Tələsmə ömrüm, tələsmə
Deyəsən qocalıram mən.
Nəqarat
Негізгі бет Şahin İsmayılov - Ötən İllər
No video
Пікірлер: 228