Сыр жұртшылығы әнші, музыкант Батырхан Шөкеновті еске алды. Ол ғұмыры қысқа болса да, мәңгілік әндер қалдырған өнерпаз. Тума талант көзі тірі болғанда биыл 62 жасқа толар еді. Батырханның әуезді әндерін сағынған қызылордалық тыңдарман ескерткішіне гүл шоғын қойып, тағзым етті. Бұдан бөлек, қаржыгер Камал Шөкенов пен әнші Батырхан Шөкеновке арналған ескерткіш тақта ашылды.
Батырхан Шөкенов Сыр елінің маңдайына біткен жарық жұлдыздың бірі. «Ол үшін саксофоннан артық сырласы, жақын досы болған жоқ», дейді жақындары. Расымен, Батырхан музыканы шексіз сүйді. Оның репертуары риясыз махаббатқа, лирикалық шығармаларға өте бай.
ВАЛЕРИЙ ТУРОВСКИЙ - САЗГЕР //Ол өте керемет жан еді. Және ол интелегент болатын. Ол барлық адамды өте жақсы көрді, бәрін құрмет тұтты. Оның музыкалық талғамы жайында да көп айтуға болады. Оны барлық музыканттар, саксофонистер құрметтейтін.
Иә, талай тыңдарманды таңдай қақтырған талант елімізбен Ресей эстрадасында да қолтаңбасын қалдырды. Әлі күнге сырбойылық музыканттың сырлы әуендерін сағынады ел. Еске алу шарасына жиылғандар Батыр жайыл жылы естеліктерімен бөлісіп, рухына тағзым етті.
ДЛАРА ИБРАГИМҚЫЗЫ - Б. ШӨКЕНОВТІҢ АНАСЫ // Батырдың жасын емес, бағын берсін. Өмірі ренжу дегенді білмейтін еді. Өмірі күлетінде жүретін. Оның ашуланып, не күліп отырғанын білмейтін едік. Қазақ халқына рақметімді айтамын!
АЙНҰР АМАНГЕЛДІҚЫЗЫ - ҚАЛА ТҰРҒЫНЫ //Батырхан ағамыздың хит әндерін жақсы көремін. «Джулия», «Отан-Ана» басқа да хит әндерін тыңдаймыз. Батырдың әндері қазіргі және жас ұрпаққа мәңгі есінде қалады деген сенімдемін.
Батырхандай таланттың әкесі Камал Шөкенов қабырғалы қайраткердің бірі. Ол ұзақ жыл қаржы саласын басқарып, өңірдің өсіп-өркендеуіне үлес қосқан арда азамат. Әлеуметтік-экономикалық салада өзіндік мектеп қалыптастырып, 1971-1981 жылдары мына көпқабатты үйде тұрды. Елге ұстын болған әке мен балаға арнап арнайы ескерткіш тақта ашылды. Осылайша, аймақ жұрты ардақты азаматтарын еске алып, еткен еңбегін ұрпақ жадында жаңғырту бағытында ұлағатты іске ұйыса білді.
Сайт - qyzylordatv.kz/ru/live
Facebook - / qyzylordatv
Instagram - / qyzylordatv
Telegram - t.me/qyzylords_tv
Tiktok - / qyzylorda_tv
Негізгі бет Аймақ жұрты Батырхан Шөкеновті еске алды
Пікірлер