Үкіметте қанша көтерілсе де, жайылым жерлердің мәселесі әлі күнге шешімін таппай келеді. Қарағанды облысына қарасты Ақбастау ауылының халқы бүгін «жайылым жерлерді қайтарыңдар!» деп жергілікті билікке талап қойды. Төрт түлікті үй іргесінен асыра алмай қалдық деген ауыл жұрты, жердің барлығын сырттан келген шаруа қожалықтар иемденіп алғанын айтады. Тіпті, кәсібін ұлғайтып, мал санын көбейткісі келетін шағын кәсіпкерлердің өзі байқауға қатысса да бір телім жерді де ұта алмаған. Қарапайым шаруалар «елдімекен маңайындағы аумақтың барлығы бармақ басты көз қыстымен, кім көрінгенге беріліп жатыр»,- деп ашынып отыр. Күнкөріс болған кәсіпке тұсау болған жағдай қалай шешіледі? Ауыл маңындағы аумақты иемденіп отырғандар кімдер? Әріптесім мәселенің мән-жайын анықтап көрді.
Абай ауданына қарасты Ақбастау ауылының тұрғыны Бекзат Орынбасаровтың негізгі күнкөрісі - мал шаруашылығы. 40 бас ірі қара мен 30 бас қойы бар шағын кәсіпкер шаруасын ұлғайтқысы келеді. Бірақ, осы бар төрт түлікті ұстап тұрудың өзі қиынға соғып тұр. Өйткені, малдарын өргізетін өріс таппай отыр. Былтыр ұлтарақтай болсын жер телімін ұтып алсам деген үмітпен байқауға қатысыпты. Бірақ, тағы да бұйырмады деп отыр.
Дәл осындай күй кешкен тағы жиырмаға жуық шаруа «ала жаздай мал бағатын жер іздеп қиналамыз» дейді. Наразы топ ауыл халқының жоспары емес, сырттан келген фермерлердің құжаттағы цифрлары сөйлейді,- деп ашынып отыр. Қала берді байқауда көрсететін инвестиция көлемі жетпей қалатын көрінеді. Ауыл маңын әдеттегідей қалталылар басып алған дейді.
АСПАНДИЯР СЕЙСЕНОВ, «Арқа Таңы» шаруа қожалығының жетекшісі:
- Міні конкурс болады, жігіттер жер беріледі деп жүргенде, жаңағы жерде жігіттердің үміті үзілді. Жер сырттан келген адамға беріледі. Үш жер телімін бір адамның құзырына беріп қояды. Сендер сауатсызсыңдар деді аудандық жер комитетінің төрағасы, аудан әкімінің орынбасары Мусин Саят айтты. Мен жиналысқа қатысып отырамын. Рас қой жігіттер! -Рас! Сендер сауатсызсыңдар деді.
ОРЫНТАЙ ШАХАБАЕВА, Ауыл тұрғыны:
- Біз не үшін тұрып жатырмыз ауылда? Егер халықтың жағдайын жасамаса біздің ауылда?!
Жайылым кәсіпкерлер тұрмақ ауылдың қарапайым тұрғындарына жетпейді дейді ашынған ел. Айтуларынша, Ақбастауда жердің көбі «Сарыарқа» мал шаруашылығы кәсіпорнына берілген. Әрі, егін егіп, бордақылау алаңын ашамыз деген қожалық иелері жерді иемденгені болмаса, оны пайдаға жаратпайды деп отыр жиналғандар. Ал ауыл әкімі Ақбастауда жайылым жер жеткілікті, 7107 гектар жер бос тұр дейді. Тіпті елдімекен мал басына шаққанда 130 пайыз жермен қамтылған дейді.
РЫМБЕК ТҰЯҚБАЕВ, Ақбастау ауылының әкімі:
- Жайылымды жерде малға суаратын суат жоқ, міне айтып тұрған жер. Алыстау дегенмен енді бір 10-15 шақырым, ол жерге бағуға да болады айдап апарып.
Бірде бір жер телімін ала алмаған шағын кәсіпкерлер прокуратураға шағымданған. Ал байқаудың басы-қасында болған ауыл әкімі барлығы заңды өтті дейді. Жер ресурстарын басқару департаменті болса тұрғындарға сотқа шағымдануға кеңес берді. Осылайша жер комиссиясының шешімі қаншалықты заңды екенін білуге болады.
Бізді әлеуметтік желіде оқыңыздар:
KZitem - / @informburo31kanal
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал
Негізгі бет Жайылым жерсіз қалған Қарағанды жұртының мәселесін кім шешеді?
Пікірлер: 16