Қытайда өмір бойына бас бостандығынан айырылған Ақжарқын Тұрлыбайдың ісі бойынша күдікке ілінген Нигерия азаматы ұсталды. Ол бұған дейін халықаралық іздеуде болған еді. Бұл туралы Ақжарқынның қорғаушысы Сұңқар Нұрмағамбетов хабарлады.
"Джонни" деген лақап атымен таныс Адиндо Нонсо Фортуне 2014 жылы Ақжарқын Тұрлыбайдың Қытайға сапарын ұйымдастырды деген күдікке ілінген. Ол шет мемлекеттердің бірінде қолға түсті. Ал осыдан жеті жыл бұрын Қазақстанның Ішкі істер министрлігі бұл адамға қатысты қылмыстық іс қозғаған еді. Сондықтан, Ақжарқынның адвокаты істің нәтижесі жөнінде толығырақ ақпарат алу үшін Қазақстан ішкі істер министрлігіне сауал жолдағанын жеткізді. Естеріңізге сала кетсек, отандасымыз Ақжарқын Тұрлыбай 2014 жылы наурызда Гуанчжоу әуежайында ұсталған еді. Оған шекарадан 4,5 келі есірткіні алып өтпек болды деген айып тағылған. Ол кезде қазақ қызы 20 жаста еді. Ал 2015 жылы Қытайдың Гуандун соты бойжеткенді өмір бойына бас бостандығынан айыру туралы үкім шығарды. Сотта Ақжарқын нигериялық досының алдап кеткенін айтып, кінәсін мойындаған жоқ.
Бізді әлеуметтік желіде оқыңыздар:
KZitem - / @informburo31kanal
Facebook - / informburo31
Instagram - / informburo31
Vkontakte - vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31
#АқжарқынТұрлыбай #Қытай #түрме
Негізгі бет Ақжарқын Тұрлыбайдың ісі бойынша күдікке ілінген Нигерия азаматы ұсталды
Пікірлер: 521