Бір жылдан соң оқуымды тауысам,
Жолдама алып басқа өмірге ауысам,
Қалай бастап кетер екем соны деп,
Ойлай, ойлай тағатымды тауысам.
Әрқайсымыз әр тарапқа кетерміз,
Теңізінен алуын ғылым өтерміз,
Бау-бақшалы қалалармен қоштасып,
Арман қуып, мақсатқа да жетерміз.
Әжем менің алпыс асып қартайған,
Көпті көрген, жанарынан нұр тайған,
Алғашқы ойды өзіне айтып сырласып,
Бір күн кеште жанына мен жантайғам.
Сонда әжем ақ жаулығын түзетіп,
Көзіменен өң бойымды күзетіп,
Бастап кетті өсиет-үлгі сөздерін,
Төгілді нұр жүрегіме тыз етіп:
Өмір жолы жас ұрпақтың алдында,
Әр адымды байқап бас та жаңылма,
Әсіре қызыл тез оңады - деді ол,
Ақша менен алтынға сен табынба!
Сәндік қума, тәртіпті бол әр уақыт,
Нәзіктік пен биязылық зор бақыт,
Қыз намысы қол жетпейтін биікте,
Әлдебіреу жүрмесін тек сорлатып.
Көрмеппін мен дәл әжемдей қайсарды,
Оның сөзі жкс жүрекке ой салды,
Қазақ қызы деген атқа мақтанып,
Сол бір сәттен бола түстім байсалды.
Авторы: Таукебаева Жұлдыз @mako_zhuldyz_alakol_koktuma
instagram.com/...
Оқыған: Егінбаева Кербез @kerbezim
instagram.com/...
Негізгі бет Ақ әжемнің алтын сөзі - Таукебаева Жұлдыз 1992жыл.
Пікірлер: 9