АҒЫБАЙ БАТЫР КЕСЕНЕСІ
Кенесары хан соңғы рет туған елімен Торғай даласында қоштасты. Ол халқыңа артық салмақ салмады. Бірақ тәуелсіздік жолындағы күресін тоқтатпай, Шу бойына ығысуға тура келді. Ол " Соңымнан ергені ерсін, ермегені қалсын" деп мәжіліс өткізді.
"Өзге елде көмусіз қалғанша, өз елімізде өлейік" дегендер болды. Бұны естіген Қыпшақ Иман батыр: " Маған салса, қарамағымдағы елу ауылды ертіп, Шуға көшуге дайынмын. Туған жерім деп ақ патшаға кеткен қайырсыз қоңысқа жабыса берер жайым жоқ" деп халықты қайрай сөйлеген. Соңында алған бетінен қайтпаған ханның соңынан аз ғанасы еріп, қалғандары өздері тастап кеткен ата қоңыстарына көшті. Ханның соңынан Ағыбай, Бұқарбай, Жеке батыр, Иман батыр, Тәуке батыр, Құдайменді, Наурызбай, Бопай, Таймас, Әбілғазы ерді.(Ілияс Есенберлин).
Бопай ханым ата қоңыста қалмақ болуды ұйғарған күйеуі Оразбайды қуып жетіп, сатқындығына шыдамай өз қолымен өлтіріп, бес ұлын соңынан ертіп ағасының соңынан ерді. Бұлардың бәрі Кекіліктауда ханмен бірге қаза тапты. Тек Ақжолтай Ағыбай батыр ғана қырғыздар қоршап алғанда, Кенесары ханның "Ағыбай, ту жығылмасын, туды ал да қайт! " деген рұқсатын алып, артыңа қарамай қоршауды бұзып қашқан. Ол соңында "Ағеке" деп дауыстаған Наурызбайға да қайрылмаған. Бұл жағдай батырдың өмір бойғы өкінішіне айналды. Ол сол өкінішпен осы Тайатқан Шұнақта өмірден өткен.
Негізгі бет АҚЖОЛТАЙ АҒЫБАЙ БАТЫР КЕСЕНЕСІ
Пікірлер: 24