АҚШ Президенті Дональд Трампқа Исматулла Мақсымның Үндеуі
Сопылық мектептің ең ірі өкілі Қожа Ахмет Яссауи (12 ғасыр) ілімін Қазақстанда жаңғыртушы, белгілі дін ғалымы Исматулла Мақсым АҚШ Президенті Дональд Трампқа арнайы үндеу жолдап отыр. Үндеуінде дін ғалымы АҚШ Президентінің әлемде бүгінгідей қиын кезде Алла ризалығы үшін дұғалар оқуға рұқсат еткеніне ризашылығын білдірді.
«Құдай Тағала сенің осы айтқан жақсылығыңды әлемге үлгі-өрнек қылсын. Құдай Тағала бүтін дүниедегі бастықтарымыздың бәріне түсінік беріп, Алланың сүйікті құлынан қылсын. Неге? Өйткені, бәріміз бір ата, бір анадан шыққанбыз. Мейлі, американдық болайық, мейлі француз, мейлі ағылшын, мейлі қазақ, мейлі ауған, мейлі тәжік, мейлі түрік, мейлі орыс, мейлі қытай болайық, түбіміз бір», дейді ғалым АҚШ Президентіне айтқан сөзінде.
Исматулла Мақсым осы үндеуі арқылы АҚШ Президентінің осы әрекеті барша әлем басшыларына үлгі болуы қажеттігін айтты.
Үндеу
Мен, Исматулла Абдуғаппар, Қазақстанның Алматысынан. Осы мейірімді, рухани сөзге сені жүрегіңді малындырып, еліңе ұқтырып айтып отырғаныңа қуанып, осы сәлемімді айтып отырмын саған. Құдай Тағала сенің кеудеңді кеңітіп, жүрегіңді қорғасындай жұмсартып, өзінің сүйікті құлдарынан етсін, Құрметті президент!
Жаратушы Алланың ырзалығы үшін барлығына Алладан дұға қылып тілеңдер деп еліңе ыхласпен үндеу жасағаныңа өте қуаныштымыз. Естіп, қуанып, айтып отырмын. Сен қатысқан жиында Худжрат сүресінен иәә әйиюһәннәс иннә холәқнәәкум мин зәкәрин уә унсә деген Құран аяты (Хужурат сүресі, 13 аят) оқылып, соған мұқият қарап, терең ойлап, осы еліңе қамқор болып, дұға қылуға тілектес болғаның жаһанға, дүниедегі бастықтарға өте бір үлгі-өрнек болатын Құдайдың бір сүйікті сөзі.
Құдай Тағала осы айтқан жақсылықты бүтін әлемге үлгі-өрнек қылсын. Құдай Тағала бүтін дүниедегі бастықтарымыздың бәріне түсінік беріп, Алланың сүйікті құлынан қылсын. Неге? Бәріміз бір ата, бір анадан шыққанбыз. Мейлі, Америка болайық, мейлі Франция болайық, мейлі Лондон болайық, мейлі қазақ болайық, мейлі ауған болайық, мейлі тәжік болайық, мейлі түрік болайық, мейлі Ресей болайық, мейлі Қытай болайық, түбіміз бәріміз сол оқылған аятта бір жерден шыққанбыз.
«Иәә әйиюһәннәс иннә холәқнәәкум мин зәкәрин уә унсә...» деп оқыттың Құран аятын, құрметті президент. Оның мағынасын ғалымдарың біледі. Ей, адам ұрпағы, Мен сендерді жараттым бір адамнан, бір әйелден, дейді Аллажан. Уә жағалнәәкум шуғуубан, еттім мен сендерді тайпа-тайпа, Америка, қазақ, ұйғыр, шешен, Россия қылып, мұны текке тану үшін, дейді. Иннә әкрәмәкум ғиндаллаһи әтқаакум, Менің алдымда өте көркем, өте сүйікті құл сол құл Менен қорықса дейді. Сол Алладан қорқып, жүрегіңе ышықты, махаббатты салғанына Аллажанға көп шүкірлік қыламын, құрметті президент. Осы қылығыңды, осы айтқан үлгі-өрнегіңді Құдай бүтін дүниедегі бауырларымызға сіңірсін деп тіле енді. Құдай Тағала сенің де, баршамыздың да тілегімізді қабыл қылсын, әссәләмуғалейкум уә рахматуллаһи уә баракаатуһу.
АҚШ Президенті Дональд Трампқа Исматулла Мақсымның үндеуі
#Исматулла Мақсым #ДональдТрамп #АҚШПрезиденті #Мәһди #Имаммахди #зікір #зикир
Негізгі бет АҚШ Президенті Дональд Трампқа Исматулла Мақсымның үндеуі
Пікірлер: 32