ANG SALITA NG DIYOS
EXODUS
Panimulan
Sa kasaysayan ng Bansang Israel, ang pinakamahalagang kaganapan ay ang Exodo. Kahit na hindi tuwirang binanggit sa mga talaan ng Ehipcio ang pangyayaring ito, hindi mapapasinungalingan na ang Pananampalataya ng Israel ay nakasandig sa isang aktuwal at tunay na pangyayari sa kasaysayan.
Maraming ebidensyang historikal at arkeolohikal ang nagpapatunay na naganap ang pangyayaring ito sa panahon ng ika-19 Dinastiya ng Ehipto (1350-1200 B.C.). Ang salaysay ay nagsisimula sa panahon
ng imperyalismo sa Ehipto na nag-udyok sa mga ambisyosong Faraon na walang pakundangang gamitin ang mga aliping Hebreo para sa kanilang pandaigdigang layuning politikal.
Ang aklat ng Exodo ay nagpapatotoo sa kahulugang pangrelihiyon tungkol sa pagkilos ng Diyos upang iligtas ang isang bayan mula sa pagkaalipin at itali sila sa kanya sa isang tipan. Mapapansin sa aklat na ito ang pagkakahabi ng mga tradisyon na nagpanatili sa orihinal na tradisyon tungkol kay Moises at sa mga interpretasyon ng mga sumunod na salinlahi.
Ito ay may dalawang pangunahing bahagi:
(1) Ang paglaya ng Israel mula sa pagkaalipin sa Ehipto at ang paglalakbay patungo sa Sinai grovs (kabanata 1-18)
(2) Ang pananatili ng Israel sa Sinai, kung saan ang tipan ay ginawa, at ang mga kautusang sumasaklaw sa buhay at pananambahan ay inihayag (kabanata 19-40).
Sa kalagitnaan ng pangyayari ay naroon si Moises na tinawag upang maging kasangkapan sa pagpapalaya sa Israel mula sa pagkaalipin, upang magbigay ng kahulugan sa pagtubos ng Diyos, at maging tagapamagitan ng tipan.
Magkakaiba ang ginawang paglalarawan sa kanya ng bawat tra-disyon, ngunit ang buong salaysay ang nagpapatotoo na malaki ang kanyang ginampanang tungkulin at naging impluwensiya sa mga sumunod na kasaysayan ng bansang Israel.
Tunay na si Moises nga ang naglagay ng espirituwal na pundasyon sa pananampalataya ng Israel na itinatag ng mga sumunod na salinlahi.
PLEASE SUBSCRIBE
GOD BLESS YOU
#KASULATAN
#aklatngEXODUS
Негізгі бет AKLAT NG EXODUS
Пікірлер: 6