Соңғы тәуліктерде Алматы қаласындағы ұлттық сауықтыру орталығына Батыс Қазақстан облысынан балалар қабылданды. 80 бала Ақмола облысындағы «Жасдәурен» лагеріне орналастырылды.
ҚР Оқу-ағарту вице-министрі Еділ Оспанның айтуынша, жалпы алғашқы лекте 11 баланы сауықтыру орталықтарына Батыс Қазақстан, Қостанай, Ақмола және Ақтөбе облыстарынан 600 бала қабылданады.
«Министрлік балалардың сауықтыру орталықтарына жеткізілуін ұйымдастыруда. Балалар сапалы білім алуы үшін қажетті оқу-құралдарымен, тамақтанумен және киім-кешекпен қамтамасыз етілді. Эвакуациялық пункттердегі балаларды республикалық маңыздағы инновациялық мектеп лицейлерінің жатақханаларына орналастыру және оқу процесін ұйымдастыру мәселесі шешілуде», - деді спикер ОКҚ алаңында өткен брифингте.
Бүгінде білім беру саласының 20 мың қызметкері тасқынға қарсы іс-шараларға ерікті ретінде қатысуда, оның ішінде 10 мыңнан астамы эвакуациялық пункттерде жұмыс істеп жатыр.
Балаларға және зардап шеккендерге психологиялық көмек көрсету мақсатында жергілікті жерлерде 300-ден астам мектеп психологы еңбек етуде. Бала құқықтары жөніндегі өңірлік өкілдіктердің белсенді жұмысы ұйымдастырылды.
Негізгі бет Ойын-сауық Алғашқы лекте 11 баланы сауықтыру орталығына 600 бала қабылданады
Пікірлер