Alalá nº 140 "Coral de Ruada" - TVG
Data de emisión en Televisión de Galicia: 16/03/2010
alala.crtvg.es
Coral de Ruada: O orgullo da cidade de Ourense
Despois de noventa anos, a Coral de Ruada de Ourense segue a cantar coa mesma forza, dedicación, entrega e entusiasmo que cando actuaron por primeira vez un día de San Xoán de Mil novecentos dezanove no desaparecido Teatro Apolo de Ourense
E unha das corais mais antigas de Galicia e como dicía Otero Pedrayo “un orgullo para a cidade de Ourense”.
Orgullo para a cidade e para eles mesmos que manteñen e dignifican os valores culturais galegos.
Basearon o seu repertorio nas recollidas polas aldeas que reinterpretaban en romarías galegas e nos mais importantes escearios de cidades galegas e mesmo de Madrid ou América.
A Coral de Ruada levou a música, o baile, o teatro e a poesía galega de xira polo mundo. O seu patrimonio histórico, cultural e musical e cada vez mais importante.
Recibiron innumerables premios: desde a garavata da bandeira doada por Alfonso XIII, á placa de ouro do Centro galego de Bos Aires ata as medallas de Galicia e de ouro da cidade de Ourense. Gravaron moitos discos desde o primeiro en 1929 en pizarra e participaron en películas como “La Virgen del Cristal”.
Esta histórica coral incorporou as mulleres desde a súa fundación - algo que a comezos do século XX non era corrente- e participou da primeira iniciativa empresarial relacionada coa música tradicional, ó faceren xiras nas salas que o empresario Isaac Fraga tiña por toda Galicia.
A coral de Ruada segue despois de noventa anos coa mesma sensibilidade nesta fantástica aventura.
Негізгі бет Alalá nº 140 "Coral de Ruada" - TVG
Пікірлер: 3