Alalá nº 217 "10 anos de Alalás"
Emisión en Televisión de Galicia: 06-02-16
Canle Temática de Alalá: alala.crtvg.es
10 anos de Alalás
Emisión: 6-2-2016
Televisión de Galicia celebra este sábado os 10 anos do programa Alalá cun programa especial. Neste especial intervirán algúns dos músicos que protagonizaron o programa.
Palabras e músicas dalgúns dos máis destacados expoñentes da música galega destes anos. Malvela, Treixadura, SonDeSeu, Quempallou, Xavier Blanco, Radio Cos, Uxía ou Xabier Díaz e tamén os informantes que nos transmitiron o seu saber e as súas músicas, como Manuel Viqueira, César Fernández, Sra. Carme, Aúrea, Manuela de Barro de Arén, Pazos de Merexo, Seivane e moitos outros.
O momento no que se gravou Alalá, do 2006 ao 2016, e a forma na que se gravou, fan de todo o material do programa un documento extraordinariamente valioso sobre a música e a cultura de Galicia, e ese valor irá crecendo exponencialmente co paso do tempo. Nestes anos o programa Alalá gravou a música tradicional situada no seu contexto real, o rural, e as diferentes expresións que se ían producindo a través dos ciclos do ano. A transformación da vida na aldea pola mecanización e a modernización e polo abandono e migración ás cidades, fan que todo isto fose desaparecendo, sendo xa un vestixio. O programa Alalá conseguiu rexistrar o seu espírito para as xeracións vindeiras.
No especial que veremos este sábado disfrutaremos de grandes actuacións musicais e momentos inesquecibles protagonizados por vellos gaiteiros, bailadores e pandereteiras, que nos contaron en primeira persoa como era a música tradicional no seu contexto, o das tarefas do campo, os seráns e as foliadas. Que nos contaron as súas historias, como vivían e que pensaban do mundo que lles tocou vivir.
Негізгі бет Alalá nº 217 "10 anos de Alalás" - TVG
Пікірлер: 7