БІЗДІҢ KZitem АРНАҒА ТІРКЕЛІҢІЗ: / @informburo31kanal
---------------------------------------------
Ел Үкіметі алдағы алты жыл ішінде бір миллионнан астам отбасын баспанамен қамтуды жоспарлап отыр. Яғни, 2030 жылға дейін 111 миллион шаршы метр тұрғын үй салынады. Мәселен, биылдың өзінде бірнеше жаңа бағдарлама іске қосылып, қолданыстағы жобаларды жалғастыру үшін миллиардтаған қаражат бөлініп жатыр.
---------------------------------------------
Теңдессіз жобамызға көз салыңыз: • Сөздің шыны керек: [жу...
Бүгінгі шығарылымда:
Айталық, 1 мамырдан бастап «Отбасы банк» «Наурыз» бағдарламасын іске асыруға кіріседі. Оған 300 миллиард теңге қарастырылып отыр. Ипотекалық несие 12 мың отбасының баспана проблемасын шешуге жол ашпақ. Әрі жоба аясында жыл сайын 200 миллиард теңгеге 8 мың кредит беру көзделген. Ал, «Отау» ипотекалық бағдарламасы аясында 150 миллиард теңгеге 8 мың несие беру жоспарланып отыр. Сондай-ақ, «7-20-25» бағдарламасы бойынша да 100 миллиард теңгеге 5 мыңнан астам ипотекалық несие үлестірілмек.
НҰРБОЛАТ ЖАҢАБЕКҰЛЫ, тілші:
- "Наурыз" жаңа ипотекалық бағдарламасы мамырдан бастап іске асырыла бастайды. Жоспар бойынша бағдарлама 12 мыңдай отбасының баспана мәселесін шешуге мүмкіндік беруге тиіс. Яғни, жоба аясында әлеуметтік осал топ өкілдері 7 пайызбен, ал өзге санаттағы ел 9 пайызбен ипотека рәсімдейді. Бастапқы жарна 20 пайызды құрағалы отыр. Ал, бағдарламаның бюджеті 300 миллиард теңге болады. Жауапты ведомство әрі қарай жыл сайын 200 миллиард теңгеге 8 мың несие беруді жоспарлап қойған.
НҰРЛАН АҚШАНОВ, «ОТБАСЫ» Банкі төрағасының орынбасары:
- Депозитті ашу мерзіміне қатысты ешқандай талап болмайды. Яғни, 30 сәуір күні ашып, 1 миллион теңгеге толықтырып қатыса береді. Бірақ соңғы 5 жыл ішінде тұрғын үй және тұрғын үйге қатысты операциялар болмауы керек. Ал, қарыз мерзімі 19 жылға дейін созылады. Бағдарлама талаптарына сай келетін пәтерлер baspana.market сайтында көрсетіледі.
«Наурызға» қатысуға ниетті адам өтінімін 1 мамырдан бастап 24 маусымға дейін беруге құқылы. Ал, үміткерлер автоматты түрде іріктеледі. Сосын, олардың тізімі банктің ресми сайтына жарияланады. 1 шілде мен 31 тамыз аралығында несиеге өтінімдер қабылданып, 15 желтоқсанға дейін қаржы үлестіріледі. Бастысы, пәтер сатып алуға берілетін қаржы көлемі де қомақтырақ болғалы отыр. Мысалы, несие Астана мен Алматы үшін 36 миллион, өңірлерге 30 миллион теңге деп бекітілуі мүмкін.
ҚАНАТ ШАРЛАПАЕВ, ҚР Өнеркәсіп және құрылыс министрі:
- Осылайша, ағымдағы жылы 64 мың азаматтың тұрғын үй жағдайын жақсарту мақсатында 1 триллион теңгеден астам қаражат қарастырылуда. Мемлекет басшысының Ұлттық құрылтайда берген тапсырмасы шеңберінде Үкімет сатып алу құқығымен берілетін арендалық тұрғын үй көлемін бірнеше есеге арттырып, жаңа ипотекалық бағдарламаны іске қосу қажет.
Министрдің айтуынша, биыл халықтың әлеуметтік осал топтарын тұрғын үймен қамту үшін 339 миллиард теңге бөлініп отыр. Бұл қаржыға 22 мыңнан астам жеңілдетілген бағамен жалға берілетін пәтер сатып алынады. Әрі, әкімдіктер мемлекеттік бағалы қағаздарды шығару арқылы 10 мың кредиттік пәтер салуға тиіс. Ал, кезекте тұрғандарға 2 және 5 пайыздық мөлшерлемен 7 мың ипотекалық несие берілгелі жатыр. Айта кетейік, қазір Мәжілісте арендалық тұрғын үйлерді жекешелендіру мүмкіндігін ұсынатын заң жобасы қаралып жатыр.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/channel/0029VaDm...
TikTok - www.tiktok.com/@informburo31?...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық
Негізгі бет Алдағы алты жылдың ішінде 1 миллионнан астам қазақстандық баспаналы болады
Пікірлер: 2